আৰক্ষী সঞ্চালক প্ৰধান হিচাপে অসমত অন্তিমটো গণৰাজ্য দিৱস উদযাপন কৰি আৱেগিক বিদায় দিলে জি পি সিঙে। ২০০০ চনত খানাপাৰাত প্ৰথমবাৰৰ বাবে গণৰাজ্য দিৱসৰ অনুষ্ঠানত অংশগ্ৰহণ কৰাৰ কথাও মনত পেলালে জিপি সিঙে।
তেওঁ কয়, ‘২০০০ চনত খানাপাৰাত গণৰাজ্য দিৱস উদযাপনত অংশ লোৱাৰ কথা মোৰ স্পষ্টকৈ মনত আছে, যেতিয়া লেফটেনেণ্ট জেনেৰেল শ্ৰীনিবাস কুমাৰ সিনহা অসমৰ ৰাজ্যপাল আছিল। মই তেতিয়া আৰক্ষী আয়ুক্ত হিচাপে কাৰ্যনিৰ্বাহ কৰি আছিলো আৰু তেওঁৰ কাষত থিয় হৈছিলো। বোধহয় অসমৰ কেন্দ্ৰীয় অনুষ্ঠানত এয়া মোৰ শেষ অংশগ্ৰহণ। অসমৰ ৰাইজক সেৱা আগবঢ়োৱাটো এক গভীৰ আৱেগিক অভিজ্ঞতা হৈ পৰিছে।’
উল্লেখ্য যে কা আন্দোলনৰ ভৰপক সময়ত ২০১৯ চনত অসমলৈ আহিছিল জি পি সিং। জি পি সিঙে অসমত প্ৰৱেশ কৰাৰ পিছত পাঁচজন নিৰস্ত্ৰ যুৱকক গুলীয়াই হত্যা কৰে আৰক্ষীয়ে। কাৰ নিৰ্দেশত ল’ৰাকেইটাক গুলী কৰা হয় সেই কথা পোহৰলৈ নাহিলেও সকলোৱে সন্দেহৰ আঙুলি জিপি সিংৰ ফালে।
অসমৰ পৰা গৈ চি আৰ পি এফৰ সঞ্চালক প্ৰধান হিচাপে কাৰ্যভাৰ গ্ৰহণ কৰিব জিপি সিঙে। কিন্তু অসমৰ সেই পাঁচটা ফুলকুমলীয়া ল’ৰাৰ মৃত্যুক অসমে চিৰদিন মনত ৰাখিব।
