দেশৰ ক্ষুদ্ৰ ব্যৱসায়ীসকলক সকাহ দিয়াৰ বাবে বৃহস্পতিবাৰে বিত্ত মন্ত্ৰী অৰুণ জেট্লিৰ অধ্যক্ষতাত অনুষ্ঠিত হোৱা জি এছ টি পৰিষদৰ বৈঠকত জি এছ টিৰ সীমা বৃদ্ধি কৰা হৈছে। বৰ্তমান বাৰ্ষিক ২০ লাখ টকালৈকে লেনদেন কৰা কোম্পানীয়ে জি এছ টি দিব লগা হয় যদিও বৃহস্পতিবাৰে পৰিষদৰ বৈঠকত এই সীমা বছৰি ৪০ লাখ টকালৈ বৃদ্ধি কৰাৰ সিদ্ধান্ত গ্ৰহণ কৰা হয়।
আনহাতে, উত্তৰ-পূৰ্বাঞ্চলৰ লগতে যি ৰাজ্যসমূহত এই সীমা বৰ্তমান ১০ লাখ টকা আছে সেয়া ২০ লাখ টকালৈ বৃদ্ধি কৰাৰ সিদ্ধান্ত লোৱা হয়। ইয়াৰ ফলত বৃহৎসংখ্যক ক্ষুদ্ৰ ব্যৱসায়ী জি এছ টিৰ পৰা বাহিৰ হ’ব আৰু তেওঁলোকে জি এছ টি পঞ্জীয়ন নকৰিলেও হ’ব।
তদুপৰি, নিৰ্মীয়মাণ ফ্লেট আৰু ঘৰৰ ক্ষেত্ৰত জি এছ টি ৰেহাই দিয়াৰ বিষয়টোত সিদ্ধান্ত লোৱাৰ বাবে মন্ত্ৰীসকলৰ এটা গোট গঠন কৰি দিয়া হৈছে।
আনহাতে, জি এছ টিৰ সীমা ১০ লাখ টকালৈ বৃদ্ধি কৰাৰ ফলত প্ৰায় ২০ লাখ ক্ষুদ্ৰ ব্যৱসায়ী উপকৃত হ’ব। অসম তথা উত্তৰ-পূৰ্বাঞ্চলৰ ক্ষুদ্ৰ ব্যৱসায়ীসকলে এই সিদ্ধান্তৰ ফলত বিশেষভাৱে উৎসাহিত হোৱাৰ আশা আছে।