আফ্ৰিকা মহাদেশৰ ইথিঅ’পিয়াত মঙলবাৰে এটা গণহত্যা সংঘটিত হৈছে।
দেশখনৰ অৰমিয়া নামৰ অঞ্চলটো কেইজনমান বন্দুকধাৰী লোকে আক্ৰমণ কৰে আৰু কমেও ৩০ জন লোকক গুলিয়াই হত্যা কৰে।
তদুপৰি ১৫ জন লোক গুৰুত্তৰভাৱে আঘাটপ্ৰাপ্ত হয়।
ঘটনাটোৱে দেশখনত শেহতীয়াকৈ দেখা দিয়া জাতিগত হিংসাক জ্বলন্ত ৰূপত ফুটাই তুলিছে।
বুধবাৰে ঘটনাটোৰ সাক্ষীসকলে কয় যে মঙলাবাৰে ৰাতি বন্দুকধাৰী লোককেইজনে অঞ্চলটো আক্ৰমণ কৰে।
আক্ৰমণৰ বলি হোৱা লোককেইজন আমহাৰাছ নামৰ জনজাতিটোৰ মানুহ।
সাক্ষীসকলে কয় যে বন্দুকধাৰী লোককেইজন ৰাতি ৯ বজাত অঞ্চলটোলৈ আহিছিল আৰু স্থানীয় বাসিন্দাসকলক জোৰ-জবৰদস্তি ঘৰৰ বাহিৰলৈ উলিয়াই নি সকলোকে গুলিয়াই থৈ যায়।
স্থানীয় প্ৰশাসনে ঘটনাটোৰ স’তে অৰমো লিবাৰেচন আৰ্মী নামৰ বিদ্ৰোহী সংগঠনটোক জড়িত কৰিছে।
উল্লেখযোগ্য যে বিদ্ৰোহী সংগঠনটো অৰমো লিবাৰেচন ফ্ৰণ্ট নামৰ দেশখনৰ বিৰোধী দল এটাৰ ভাগ হৈ অহা উগ্ৰবাদী সংগঠন।
আনহাতে, অৰমো লিবাৰেচন ফ্ৰণ্টক ২০১৯ চনত দেশখনৰ নবনিৰ্বাচিত প্ৰধানমন্ত্ৰী আবী আহমেদে নিষিদ্ধ ঘোষণা কৰিছিল।
অৰমো হৈছে ইথিয়’পিয়াৰ সৰ্বাধিক জনসংখ্যাৰ নৃগোষ্ঠী, আনহাতে আমহাৰা হৈছে দ্বিতীয় সৰ্বাধিক নৃগোষ্ঠী।
আফ্ৰিকা মহাদেশৰ দ্বিতীয় বৃহৎ দেশ ইথিঅ’পিয়াৰ শাসনৰ ক্ষমতাক লৈ দুয়োটা নৃগোষ্ঠীৰ মাজত সংঘাতে শেহতীয়াভাৱে চূড়ান্ত ৰূপ ধাৰণ কৰিছে।
আনহাতে, বিদ্ৰোহী সশস্ত্ৰ সংগঠনটোৱে ঘটনাটো অস্বীকাৰ কৰিছে।