বিটিচিৰ মুৰব্বী হাগ্ৰামা মহিলাৰীয়ে শুকুৰবাৰে কয় যে অসমত পুনৰ বিজেপিয়ে এবাৰ ২০২১ত চৰকাৰ গঠন কৰিব।
ঐতিহাসিক বড়ো চুক্তি সম্পাদনৰ পাছত শুকুৰবাৰে কোকৰাঝাৰত অনুষ্ঠিত বিজয় উৎসৱৰ জনসভাত ভাষণ দি হাগ্ৰামাই কয়,’মই প্ৰধান মন্ত্ৰী নৰেন্দ্ৰ মোদীক প্ৰতিশ্ৰুতি দিব খোজো যে অসমত ২০২১ত পুনৰ বিজেপিয়ে চৰকাৰ গঠন কৰিব।‘
মহিলাৰীয়ে লগতে তৃতীয়খন ঐতিহাসিক বড়ো চুক্তি সম্পাদন কৰাৰ বাবে প্ৰধানমন্ত্ৰী নৰেন্দ্ৰ মোদীক ধন্যবাদ জনায়।
হাগ্ৰামাই লগতে কয় যে প্ৰধান মন্ত্ৰী নৰেন্দ্ৰ মোদী নেতৃত্বাধীন বিজেপি চৰকাৰখনে বিটিএডি অঞ্চলত কেইবাখনো উন্নয়নমূলক আঁচনি মুকলি কৰিছে।
হাগ্ৰামা মহিলাৰীয়ে লগতে প্ৰধীন মন্ত্ৰীক কয় যে কংগ্ৰেছৰ লগত বহু দিন থাকিলেও, কিন্তু বিজেপিৰ দৰে ইমান পোৱা নাছিল৷
মহিলাৰীয়ে বিএলটিৰ দৰে এনডিএফবিৰ সকলো নেতা-কেডাৰৰ বিৰুদ্ধে থকা গোচৰসমূহো প্ৰত্যাহাৰ কৰআৰ বাবে আহ্বান জনায়।
কেন্দ্ৰীয় চৰকাৰ আৰু বড়ো জনগোষ্ঠীৰ বিভিন্ন গোটৰ মাজত শান্তি চুক্তি সম্পাদন হোৱাৰ পাছত প্ৰধান মন্ত্ৰী নৰেন্দ্ৰ মোদীয়ে আজি প্ৰথমবাৰৰ বাবে কোকৰাঝাৰত আহি উপস্থিত হয়।
প্ৰধান মন্ত্ৰী উপস্থিত হোৱাৰ পাছতে স্থানীয় পৰম্পৰা অনুসৰি তেওঁক আদৰণি জনোৱা হয় আৰু চুক্তি সম্পাদন কৰাৰ বাবে ধন্যবাদ প্ৰস্তাৱ প্ৰদান কৰা হয়।
ইয়াৰ পূৰ্বে প্ৰধান মন্ত্ৰী নৰেন্দ্ৰ মোদীক আদৰণি জনাবলৈ কোকৰাঝাৰক সজাই তোলা হয়। গোটেই চহৰখনতে উৎসৱ মুখৰ পৰিৱেশ গঢ়ি উঠে।
