হাৰিয়ানাৰ ফৰিদাবাদত স্বঘোষিত গোৰক্ষকে গুলীয়াই হত্যা কৰে এগৰাকী দ্বাদশ শ্ৰেণীৰ ছাত্ৰক। আৰক্ষীৰ তথ্য অনুসৰি মৃত ছাত্ৰজনৰ নাম আৰিয়ান মিশ্ৰ। গোৰক্ষকে তেওঁৰ গাড়ীখন খেদি গৈ গুলীচালনা কৰে। ডিঙিত গুলীবিদ্ধ হোৱা আৰিয়ানক চিকিৎসালয়লৈ লৈ যোৱা হয় আৰু তাত মৃত বুলি ঘোষণা কৰে।
সোমবাৰে নিশা আগ্ৰা-দিল্লী ৰাষ্ট্ৰীয় ঘাইপথত সংঘটিত হয় এই ঘটনা। আৰক্ষীৰ মতে, ফৰিদাবাদৰ এটা স্থানত তথাকথিত গোৰক্ষকে গাড়ীখন ৰখাই তালাচী চলাই আছিল। তেওঁলোকৰ হাতত এটা বিশেষ ব্ৰেণ্ডৰ দুখন বাহনত গো-মাংস কঢ়িয়াই নিয়াৰ খবৰ আহিছিল।
লগতে পঢ়কঃ ধোনী,কোহলী বা শচীন নহয়! কোন এইগৰাকী ভাৰতৰ আটাইতকৈ ধনী ক্ৰিকেটাৰ?
মাত্ৰ যোৱা সপ্তাহত হাৰিয়ানাত পশ্চিমবংগৰ পৰা অহা এজন প্ৰব্ৰজিত শ্ৰমিকক গোৰক্ষকে প্ৰহাৰ কৰি হত্যা কৰিছিল। হাৰিয়ানাত এনে হত্যাকাণ্ড অব্যাহত আছে। ৰাজ্যত বিধানসভা নিৰ্বাচনৰ প্ৰস্তুতি চলিছে। তাৰ আগতে মেৰুকৰণৰ লক্ষ্যৰে পুনৰ গোৰক্ষীসকল সক্ৰিয় হৈ পৰা বুলি ধাৰণা কৰা হৈছে।
আৰিয়ানৰ গাড়ীখন দেখি সন্দেহ কৰি গোৰক্ষকসকলে গাড়ীখন ৰখাবলৈ কয়। কিন্তু ড্ৰাইভাৰে নুশুনিলে। কাৰণ আৰিয়ানৰ গাড়ীত তেওঁৰ দুই বন্ধু ছাংকি আৰু হৰ্ষিত আছিল। চাৰিজন গোপালক অনিল কৌশিক, কৃষ্ণ, আধেশ আৰু বৰুণৰ লগত তেওঁলোকৰ পূৰ্বতে শত্ৰুতা আছিল। চাৰিজন গোৰক্ষকে আৰ্যৰ গাড়ীৰ পিছে পিছে খেদি যায়।
লগতে পঢ়কঃ অমৃতপল সিঙৰ অধিবক্তাৰ পৰিচয়েৰে ডিব্ৰুগড়ৰ হোটেলক ৫৩ হাজাৰ টকাৰ প্ৰতাৰণা মহিলাৰ
আগ্ৰা-দিল্লী ৰাষ্ট্ৰীয় ঘাইপথৰ হাৰিয়ানাৰ গোধপুৰীত আৰিয়ানৰ বন্ধুসকলে গাড়ীখন ৰখাই দিয়ে। তাৰ আগতে আৰিয়ানৰ ডিঙিত পিছফালৰ পৰা আহি গুলী লাগে। গোৰক্ষকসকলে গোধপুৰীত গাড়ীখন ৰখাই দেখে যে আৰিয়ানহঁতৰ গাড়ীখনত দুগৰাকী মহিলা যাত্ৰীও আছে। তেওঁলোকে উপলব্ধি কৰে যে তেওঁলোক গো-মাংসৰ সৰবৰাহকাৰী নহয়। ভুলকৈ গাড়ীখনক লক্ষ্য কৰি লৈছিল। আৰক্ষীয়ে এতিয়াও হত্যাকাৰীসকলক গ্ৰেপ্তাৰ কৰিব পৰা নাই।
