কৰ’না মহামাৰীয়ে ২০২০বৰ্ষটো সকলোৰে বাবে সংকটৰ বৰ্ষ হিচাপে ধৰা দিছে। বছৰটোৰ আৰম্ভণিৰে পৰা এই মহামাৰীৰ বিৰুদ্ধে প্ৰথম শাৰীৰ যোদ্ধা হিচাপে পৰিগণিত হৈছে স্বাস্থ্যকৰ্মীসকল।
ঘৰ-পৰিয়াল একাষৰীয়াকৈ থৈয়ো তেওঁলোকে ৰোগীৰ সেৱাত ব্যস্ত থাকিবলগীয়া হৈছে। বহুতেই দীৰ্ঘদিন ঘৰেই দেখা নাই। এনে এক কঠিন পৰিস্থিতিৰ অৱসান ঘটিবলৈ গৈছে নেকি?
কৰ’নাৰ সম্ভাৱ্য ভেকচিন অহাৰ খৱৰে অলপ হ’লেও তেওঁলোকক স্বস্তি আনি দিছে। ইয়াৰ বাবেই তেওঁলোকে বিভিন্ন ধৰণে তেওঁলোকৰ আনন্দ প্ৰকাশ কৰিছে।
কিছুমানে ছচিয়েল মিডিয়াত আবেগ গধূৰ প’ষ্ট দিছে আৰু আন কোনোবাই নৃত্যু-গীতৰ মাজেৰে মনৰ ভাৱ প্ৰকাশ কৰিছে।
শেহতীয়াকৈ ছচিয়েল মিডিয়াত ভাইৰেল হৈ পৰিছে এটি ভিডিঅ’। য’ত দেখা গৈছে স্বাস্থ্যকৰ্মীসকলে গানৰ তালে তালে লয়লাস নৃত্য কৰিছে।
Why I love my job @The_BMC ! Teams of people working to safely and equitably distribute vaccines to their front line colleagues getting cheered on by their friends celebrating the arrival of the vaccines! A great day, a great place. ❤️ pic.twitter.com/XfrIthFIY5
— Kate Walsh (@KateWalshHHS) December 14, 2020
এই ভিডিঅ’টো আমেৰিকাৰ বষ্টন মেডিকেল কলেজৰ। কোভিডৰ ভেকচিন লাভ কৰা প্ৰথমখন হাস্পাতল হৈছে বষ্টন মেডিকেল কলেজ। হাস্পাতলখনলৈ আহিছে মৰ্ডানা আৰু বায়’টেকৰ ভেকচিন। প্ৰথম পৰ্যায়ত স্বাস্থ্যকৰ্মীসকলেই এই বেকচিন লোৱাৰ সুবিধা পাব।
হাস্পাতলখনৰ চিইঅ’ কেট ৱালছেৰে ভিডিঅ’টো প’ষ্ট কৰিছে। ভিডিঅ’টোত মাস্ক পৰিধান কৰি, সামাজিক দূৰত্ব মানি স্বাস্থ্যকৰ্মীসকলে গানৰ তালে তালে নৃত্য কৰা দেখা গৈছে।
টুইটাৰত লগতে লিখা হৈছে যে যিসকলে কৰ’নাৰ ভেকচিন প্ৰস্তুত কৰিছে তেওঁলোকে ভিডিঅ’টো দেখি আনন্দিত হ’ব। ভিডিঅ’টোৱে নেটিজনসকলকো আকৰ্ষিত কৰি তুলিছে।
