বৰ্তমান সময়ত মানুহৰ কামৰ চাপৰ লগতে সময়ৰ নাটনিৰ অজুহাতত প্ৰায় সকলো লোকেই খোৱাৰ ক্ষেত্ৰত অধিক দৌৰাদৌৰি কৰা দেখা যায়।
এনেক্ষেত্ৰত প্ৰায়ভাগ লোকেই থিয় হৈয়েই খাদ্য খোৱাৰ অভ্যাস এটা গঢ়ি তুলিছে যদিও ই শৰীৰৰ বাবে অজানিতে ডাঙৰ ক্ষতি কৰে।
সেয়েহে, থিয় হৈ খাদ্য খোৱাৰ অভ্যাস কৰাৰ আগতে অলপ চিন্তা কৰা উচিত হ’ব।
থিয় হৈ খাদ্য খোৱৰ ফলত মানসিক চাপ বৃদ্ধি পোৱাৰ লগতে হজম শক্তি হ্ৰাস পায় যিটো শৰীৰৰ বাবে মাৰাত্মক ক্ষতি কৰিব পাৰে।
এনে অভ্যাস আছে যদি সোনকালেই পৰিত্যাগ কৰক আৰু বহি খোৱাৰ অভ্যাস গঢ়ি তোলক।
জানিব যে থিয় হৈ খাদ্য খালে সেয়া চিধাই পাকস্থলী পায়। ইয়াৰ ফলত খাদ্য ঠিকমতে হজম নহয় আৰু হজম শক্তিৰ সমস্যাই দেখা দিয়ে।
খাদ্যনলী বা পাকস্থলীত কোনো সমস্যা নাথাকিলেও এচিডিটিৰ সমস্যা হোৱাটো প্ৰায় নিশ্চিত।
জানি থব যে খাদ্যবস্তু ভালদৰে হজম নহ’লে ইয়াৰ প্ৰভাৱ সম্পূৰ্ণ শৰীৰৰ ওপৰত পৰে। হজমৰ সমস্যাৰ পৰা আন বহুধৰণৰ সমস্যাৰ সৃষ্টি হয়।
বদহজমৰ ফলত গেছ, পেটফুলা, গেঠেলা মৰা, কোষ্ঠ্যকাঠিন্য, বুকু জ্বলাপোৰা কৰা তথা ক্লান্তিৰ ভাৱ দেখা দিয়ে।
কেতিয়াও থিয় হৈ খাদ্য নাখাব। তদুপৰি, হজম শক্তি বৃদ্ধি কৰিবলৈ ফাইবাৰযুক্ত খাদ্য, সেউজীয়া শাক-পাচলি তথা ফলমূল খোৱাৰ অভ্যাস কৰক যাতে পৰিপাক প্ৰণালী শক্তিশালী হৈ থাকে। বেছি চৰ্বিযুক্ত খাদ্য বৰ্জন কৰা উচিত।
খাদ্যবস্তু ভালদৰে চোবাই খোৱাৰ লগতে প্ৰচুৰ পৰিমানে পানী সেৱন কৰা দৰকাৰ।