বিজেপি নেতা তথা ৰাজ্যৰ নতুন শিক্ষা মন্ত্ৰী হিমন্ত বিশ্ব শৰ্মাই বুধবাৰে শ্ৰীমন্ত্ৰ শংকৰদেৱ কলাক্ষেত্ৰৰ মাধৱদেৱ আন্তৰ্জাতিক প্ৰেক্ষাগৃহত ৰাজ্যৰ মহাবিদ্যালয়সমূহৰ অধ্যক্ষ সকলৰ সৈতে এখন বৈঠকত অংশগ্ৰহণ কৰে।
বৈঠকত হিমন্তই মহাবিদ্যালয়ৰ অধ্যক্ষৰ বিৰুদ্ধে কঠোৰ ব্যৱহাৰ কৰাৰ দৃশ্য সংবাদ মাধ্যমত প্ৰচাৰিত হৈছে।
বৈঠকত অংশ লোৱা অধ্যক্ষ সকললৈ কঠোৰ ভাষা প্ৰয়োগ কৰি হিমন্তই মহাবিদ্যালয়ৰ শিক্ষকে চৰকাৰ বিৰোধী কথা ক’ব নোৱাৰিব বুলি সকীয়নি দিয়ে।
‘‘নেক্সট টাইম মিটিঙত যদি মই কাৰোবাক চৰকাৰ বিৰোধী দেখো ৰাতিৰ ভিতৰতে চাচপেন্সন অৰ্ডাৰ ওলাব। কাৰোবাক যদি টিভিত লেকচাৰ দিয়া দেখো প্ৰথম মোক বুজাব লাগিব’’ শিক্ষাগুৰু সকললৈ উদ্দেশ্যি হিমন্তৰ সকীয়নি।
বৈঠকত মহাবিদ্যালয়ৰ অধ্যক্ষ সকলক আমন্ত্ৰণ কৰি আনি হিমন্তই নাগৰিকত্ব(সংশোধন)আইন সম্বৰ্কে প্ৰশ্ন কৰাও দেখা গৈছে।
আনহাতে, মহাবিদ্যালয়ৰ শিক্ষক সকলে ৰাজপথলৈ যাব নোৱাৰে বুলিও বৈঠকত হিমন্তই অধ্যক্ষ সকলক সকীয়াই দিয়াৰ দৃশ্যও সংবাদ মাধ্যমত প্ৰচাৰিত হৈছে।
আনহাতে, উচ্চতম ন্যায়ালয়ত গোচৰ তৰাৰ বাবে প্ৰয়োজন হোৱা টকা মহাবিদ্যালয়ৰ শিক্ষৰ নাই কিন্তু তেওঁৰ আছে গতিকে বুলিও হিমন্তই বৈঠকত শিক্ষাগুৰু সকলক কয়।