ৰিলায়েন্স জিঅ’, এয়াৰটেল আৰু ভোডাফোনৰ পৰা ফোন কৰিলে বাজি উঠে এটা কাঁহি থকা এটা ৰেকৰ্ডেড মেছেজ। আৰু এই মেছেজটোৱে এতিয়া দেশবাসীৰ বাবে চৰ্চাৰ বিষয়বস্তু হৈ পৰিছে।
ক’ৰ’না ভাইৰাছৰ গ্ৰাহকসকলৰ মাজত সতৰ্কতা অৱলম্বনৰ বাবেই টেলিকম সেৱা প্ৰদানকাৰীসকলে এই কাঁহি থকা কলাৰ টিউনটো লগাইছিল।
কিন্তু ফোন কৰিলে বাজি উঠা এই কলাৰ টিউনটোৰ বাবে ইতিমধ্যে বহু গ্ৰাহক অতিষ্ঠ হৈ পৰিছে আৰু ইয়াকে লৈ একাংশই ছ’চিয়েল মিডিয়াযোগে অভিযোগো দাখিল কৰা পৰিলক্ষিত হৈছে।
সৰ্বত্ৰে সমালোচনাৰ সন্মুখীন হোৱাৰ পিছত টেলিকম সেৱা প্ৰদানকাৰীসকলে শেহতীয়াকৈ এই কলাৰ টিউনটো আঁতৰোৱাটো সম্ভৱ বুলি জনাইছে।
আপুনি কেনেদৰে এই কলাৰ টিউনটো আঁতৰাব সেই বিষয়ে তলত উল্লেখ কৰা হ’ল
এনদ্ৰইড ফোনৰ পৰা ফোন লগালে যেতিয়া এই কলাৰ টিউনটো বাজে তেতিয়া আপুনি ফোনৰ কিপেইডত গৈ যিকোনো এটা নম্বৰ ডায়েল কৰক। নম্বৰটো ডায়েল কৰাৰ পিছৰ বাৰৰ পৰা আপোনাৰ ফোনৰ পৰা এই কলাৰ টিউনটো নোহোৱা হৈ যাব।
ইফালে iOS ফোনৰ পৰা এই কলাৰ টিউনটো নোহোৱা কৰিবলৈ হেশ্ব(#) ডায়েল কৰিলেই হ’ল। iOS ফোনত নম্বৰ ডায়েল কৰিলে এই টিউনটো বন্ধ নহয়।
এনধৰণৰ পন্থা অৱলম্বনৰ পিছতো যদি এই কলাৰ টিউনটো বন্ধ নহয় তেন্তে আপুনি পুনৰ এবাৰ তেনে কৰক। কিয়নো কেতিয়াবা হয়টো টেলিকম সেৱা প্ৰদানকাৰীসকলে প্ৰথমবাৰৰ ক্লিকটো গ্ৰহণ নকৰিবও পাৰে।
এবাৰ দুবাৰ কৰাৰ পিছতো যদি এই কলাৰ টিউনটো বন্ধ নহয় তেন্তে আপুনি হোৱাটছএপ, গুগল দ’, ফেইচবুক মেচেঞ্জাৰৰ জৰিয়তে কথা পাতিব পাৰে। এই পৰ্যন্ত এই সমূহত টেলিকম কোম্পানিয়ে কাঁহি থকা মেছেজটো লাগু কৰা নাই।