হুণ্ডাইয়ে দেশৰ বজাৰলৈ আনিছে Micro SUV। সোমবাৰে কোম্পানীটোৱে Hyundai Exter SUV মুকলি কৰি মিনি ছেগমেণ্টত প্ৰৱেশ কৰিলে। এই গাড়ীখন মুকলি কৰাৰ লগে লগে হুণ্ডাই এক্সেটাৰে দেশৰ আটাইতকৈ সুলভ মূল্যৰ সৰু এছ ইউ ভিৰ খিতাপ লাভ কৰিছে। যাক কোম্পানীটোৰ পৰ্টফলিঅ’ত ভেনুৰ তলৰ স্তৰত হুণ্ডাইক স্থান দিছে। এই এছ ইউ ভিখনে Citroen C3 আৰু Tata Punch ৰ দৰে গাড়ীৰ সৈতে প্ৰতিযোগিতাত অৱতীৰ্ণ হ’ব।
Hyundai Exter ৰ মূল্য
এই গাড়ীৰ মূল্য ৫.৯৯ লাখ টকাৰ পৰা আৰম্ভ। এই গাড়ীখনৰ টপ এণ্ড ভেৰিয়েন্টৰ মূল্য ৯.৩ লাখ টকা। ইয়াৰ চিএনজি সংস্কৰণৰ মূল্য ৮.২ লাখ টকা।
হুণ্ডাই এক্সেটাৰৰ ইণ্টেৰিয়ৰ ডিজাইন Aura বা Nios-ৰ দৰেই, একে ধৰণৰ পেটাৰ্ণৰ ডেচব’ৰ্ড আৰু ৮ ইঞ্চিৰ টাচস্ক্ৰীণ।
এক্সেটাৰত i20 ৰ দৰে ডিজিটেল ইনষ্ট্ৰুমেণ্ট ক্লাষ্টাৰো আছে। এক্সেটাৰৰ দৈৰ্ঘ্য ৩৮১৫ মিলিমিটাৰ আৰু হুইলবেছ ২৪৫০ মিলিমিটাৰ। ষ্টাইলিঙৰ ক্ষেত্ৰত বাহিৰৰ অংশত গ্ৰীলৰ লগতে পিছফালৰ বাবেও পেৰামেট্ৰিক হুণ্ডাই ডিজাইন আছে। এক্সেটাৰৰ লাইটিং পেটাৰ্ণত হেডলেম্প আৰু টেইল-লেম্প দুয়োটাৰে বাবে H পেটাৰ্ণ আছে।
হুণ্ডাই এক্সেটাৰ ৬টা চিংগল টোন আৰু ৩টা ডুৱেল টোন ৰঙত উপলব্ধ। ইয়াত এলয় হুইল আৰু স্কিড প্লেট আছে যিবোৰ আন এছ ইউ ভি ষ্টাইলিং টাচৰ দৰে দেখা যায়। এছ ইউ ভি লাইন আপত ভেনুৰ তলতে আছে এক্সেটাৰ হুণ্ডাই।
Hyundai Exter ৰ বৈশিষ্ট্য
বৈশিষ্ট্যৰ ক্ষেত্ৰত হুণ্ডাই এক্সটাৰত ভইচ কমাণ্ডৰ দ্বাৰা চালিত একক পেন ছানৰুফ আৰু ডেচকেম আছে, যিটো এই ছেগমেণ্টৰ আন কোনো এছ ইউ ভিত উপলব্ধ নহয়। সংযুক্ত গাড়ী প্ৰযুক্তিৰ লগতে আছে OTA আপডেট, ৬টা এয়াৰবেগ, অটোমেটিক ক্লাইমেট কন্ট্ৰল, এপল কাৰপ্লে, এণ্ড্ৰইড অটো, ভইচ কমাণ্ড আৰু ফুটৱেল লাইটিং।
Hyundai Exter ৰ ইঞ্জিন
হুণ্ডাই এক্সটাৰত পেট্ৰ’লৰ লগতে চিএনজি সংস্কৰণো আছে। ১.২ লিটাৰৰ পেট্ৰ’লেৰে সজ্জিত ইঞ্জিনে 83bhp উৎপাদন কৰে আৰু ই ৫ স্পীড মেনুৱেল বা AMT অটোমেটিকসহ আহে। মাইলেজৰ ক্ষেত্ৰত এক্সেটাৰে মেনুৱেলৰ বাবে ১৯.৪ কিলোমিটাৰ আৰু অটোমেটিকৰ বাবে ১৯.২ কিলোমিটাৰৰ প্ৰতিশ্ৰুতি দিছে। চিএনজি মাইলেজ প্ৰতি কিলোগ্ৰামত ২৭.১ কিলোমিটাৰ।
এক্সেটাৰে টাটা পাঞ্চৰ সৈতে প্ৰতিযোগিতাত অৱতীৰ্ণ হ’ব টাটা মটৰ্ছৰ মাইক্ৰ’ এছ ইউ ভি। টাটা পাঞ্চৰ আৰম্ভণি মূল্য ৫.৯৯ লাখ টকা। সুৰক্ষাৰ ক্ষেত্ৰত এই গাড়ীখনে গ্ল’বেল NCAP ৰ পৰা ৫ ষ্টাৰ ৰেটিং লাভ কৰিছে। নিৰ্মাণৰ মানদণ্ডৰ ক্ষেত্ৰত এই গাড়ীখন যথেষ্ট শক্তিশালী। এনে পৰিস্থিতিত টাটা পাঞ্চৰ সৈতে হুণ্ডাই এক্সেটাৰ এছ ইউ ভিৰ সৈতে কঠিন প্ৰতিযোগিতা হ’ব।
