এগৰাকী মহিলা এক অকটপট স্বীকাৰোক্তিত কয় যে ৪৩ বছৰ বয়সতহে তেওঁৰ নিজৰ কুমাৰীত্ব হেৰুওৱাইছিল।
এক বিশেষ ৰোগত আক্ৰান্ত অষ্ট্ৰেলিয়ান মহিলাগৰাকীয়ে শৈশৱৰে পৰা পৰা হুইল চেয়াৰক সংগী কৰি লৈছে। মহিলাগৰাকীৰ যৌনতাৰ প্ৰতি আকৰ্ষণ থাকিলেও এক অজান আশংকাত যৌনতাৰ প্ৰতি শংকিত হৈ আহিছিল।
কিন্তু তেওঁ অৱশেষত এটা অনলাইন পৰিচৰ্যাৰ এজেঞ্চিৰ সৈতে যোগাযোগ কৰি এগৰাকী পুৰুষৰ সৈতে তেওঁ ৪৩ বছৰৰ বয়সত প্ৰথমবাৰ শাৰীৰিক সম্পৰ্ক স্থাপন কৰে। ব্ৰিটিছ সংবাদ সংস্থা বিবিচিত সেই অবিজ্ঞতাৰ কথা প্ৰকাশ কৰি মেলানি হ’কছ নামৰ মহিলাগৰাকীয়ে কয় যে প্ৰথম যৌন সম্পৰ্ক স্থাপনৰ সময়ত তেওঁ আতংকিত হৈ পৰিছিল।
কোৱাড্ৰিপ্লেজিক ভিডিঅ’ এডিটৰগৰাকীয়ে মেৰুদণ্ডৰ প্ৰদাহত ভুগিছে যাক ট্ৰেন্সভাৰ্ছ মাইলাইটিছ বুলি জনা যায়। তেওঁ শিশু অৱস্থাত টেণ্ট্ৰামৰ আঘাতৰ পোৱাৰ পাছতে এই ৰোগত আক্ৰান্ত হোৱা বুলিও জানিবলৈ দিয়ে।
তেওঁ কয় তীব্ৰ ইচ্ছা থাকিলেও যৌনতাক লৈ থকা তেওঁৰ আতংকৰ বাবে ৪৩ বছৰলৈ অপেক্ষা কৰিবলগীয়া হয়। অৱশ্যে এই সময়ছোৱাত তেওঁ এনে এজন পুৰুষৰ সন্ধানতো আছিল যাৰ সৈতে তেওঁ জীৱনৰ প্ৰথম এই অনন্য অভিজ্ঞতা আহৰণ কৰিব পাৰে। তেওঁ কয় যে ইয়াৰ বাবে তেওঁ এজন বিশেষ পুৰুষক এটা এনলাইন এস্ক’ৰ্ট এজেন্সিত সন্ধান কৰিছিল।
অৱশেষত হ’কছে চাইছ নামৰ এজন পুৰুষ বাছনি কৰিলে। এস্কৰ্ট এনকাউণ্টাৰৰ বিষয়ে হ’কছে কয়, “মোৰ যৌন জ্ঞানৰ অভাৱ আছিল যদিও মোৰ সন্মুখত থিয় হৈ থকা বিশেষজ্ঞজনৰ ওচৰত মই সম্পূৰ্ণৰূপে সুৰক্ষিত অনুভৱ কৰিছিলোঁ।”
“প্ৰথমবাৰৰ বাবে মই এজন মানুহৰ সন্মুখত, চিকিৎসালয়ৰ বাহিৰত উলংগ হৈ আছিলো।” হ’কছে লগতে কয়।
ইয়াৰ পাছতে হ’কছৰ আত্মবিশ্বাস বৃদ্ধি হোৱা বুলি সদৰী কৰিছে। হুইল শ্বেয়াৰে যাৰ জীৱন সেই হ’কছে কুমাৰীত্ব হেৰুওৱাৰ পাছতে এতিয়া অত্যধিক জীৱনমুখী হৈ উঠিছে আৰু অনলাইন ডেটিং এপ ব্ৰাউজ কৰি অন্য পুৰুষৰ সন্ধান কৰি আছে।
বিবিচিক কয়, “মই কেতিয়াও ভবা নাছিলো যে মই ডেটিং এপত গৈ পুৰুষৰ সৈতে অনলাইনত কথা পাতিম, আৰু এতিয়া মই প্ৰায় দৈনিক এই কাম কৰি আছো।”
“মোৰ আত্মবিশ্বাস বৃদ্ধি হৈছে, মই আগৰ তুলনাত বেছি সুখী, আৰু সেই জীৱন সলনি কৰা অভিজ্ঞতাৰ মূল্য মোক আন কোনেও দিব নোৱাৰে।” হকছে অকপটে স্বীকাৰ কৰে।
