মায়ে দিয়া যৌনশিক্ষাৰ কিতাপ লৈ আইনাৰ আগত নিজৰ শৰীৰৰ অংগ চিনিছিলোঁ

যৌন শিক্ষা বা জীৱনশৈলীৰ পাঠ সকলো কিশোৰ-কিশোৰীৰ বাবে গুৰুত্বপূৰ্ণ। অৱশ্যে এনে শিক্ষাৰ উপযোগী কিতাপ সকলোৱে নাপায়। বিষয়টো পাঠ্যক্ৰমতো এতিয়ালৈকে সহলভ্য হোৱা নাই।

আমিৰ খানৰ প্ৰথমা পত্নী ৰীনা দত্তই নিবিচাৰিছিল যে তেওঁৰ কন্যাৰ লগত এনেকুৱা হওক। গতিকে ইৰাই যৌন শিক্ষা বিষয়ক গ্ৰন্থ নিজেই তুলি দিছিল জীয়ৰী ইৰা খানৰ হাতত।  যাৰ বাবে মাকক এতিয়া কৃতজ্ঞতা প্ৰকাশ কৰিছে আমিৰ খানৰ কন্যা ইৰা খানে।

কিতাপখন পঢ়ি ইৰাই কি শিকিলে? তেওঁ নিজেই ক’লে সেই কথা। অলপতে ইৰাই ছ’চিয়েল মিডিয়াত লিখিছে, ‘মই ভাবো যে মই কেতিয়াও নিজকে সম্পূৰ্ণৰূপে দেখা নাই। কিশোৰ অৱস্থাত যেতিয়া মায়ে মোক যৌন শিক্ষাৰ কিতাপ এখন দিছিল, মই কিতাপখন পঢ়ি থাকোঁতে আইনাত নিজকে চাই আছিলোঁ। মই আচৰিত হৈছিলোঁ। সেইদিনা প্ৰথমবাৰৰ বাবে মন কৰিলোঁ যে মোৰ শৰীৰটো বহুত সলনি হৈছে।

লগতে ইৰাই কৈছে যে কৌতুহলী হোৱাটো ভাল। কৌতুহল অবিহনে কোনো অগ্ৰগতি নহয়। নিজকে তেনেকৈয়ে আৱিষ্কাৰ কৰিছিল ইৰাই।

ইৰা ছচিয়েল মিডিয়াত সদায় সক্ৰিয় হৈ থাকে। বিভিন্ন সময়ত তেওঁৰ অনুৰাগীসকলৰ আগত তেওঁৰ অনুভৱসমূহ ব্যক্ত কৰে। ইৰাই সামাজিক মাধ্যমত কৈছে যে ১৪ বছৰ বয়সত ইৰা সন্মুখীন হৈছিল যৌন নিৰ্যাতনৰ। সেই ভয়ানক স্মৃতিৰ পৰা ওলাই আহিব পৰা নাছিল ইৰা। কিন্তু তাইৰ কাষত সাহস হৈ থিয় দিছিল পিতৃ আমিৰ আৰু মাতৃ ৰীনা। তেওঁলোকে ইৰাক পুনৰ সুস্থিৰ জীৱনলৈ ঘূৰাই আনিলে।