নিউজিলেণ্ডৰ বিৰুদ্ধে মাত্ৰ ৪৬ ৰানতে অল আউট ভাৰত; শূন্যতে উভতিল ৫ জনকৈ বেটছমেন

টছত জয়লাভ কৰি ভাৰতে নিউজিলেণ্ডৰ বিৰুদ্ধে প্ৰথমখন টেষ্টত বেটিং কৰিবলৈ সিদ্ধান্ত লয়। সেই সিদ্ধান্ত একেবাৰে সঠিক বিবেচিত নহ’ল। আৰম্ভণিতে বেটিঙত পতন ঘটিছিল টিম ইণ্ডিয়াৰ। ৰোহিত বাহিনীয়ে ৫০ ৰানৰ সীমাও অতিক্ৰম কৰিব নোৱাৰিলে।

দুপৰীয়াৰ মধ্যাহ্ন ভোজনৰ সময়ত ভাৰতৰ স্ক’ৰ আছিল ৬ উইকেটত ৩৪ ৰান। নিউজিলেণ্ডৰ উইলিয়াম আৰু ৰ’ৰ্কে তিনিটা, মেট হেনৰীয়ে দুটা আৰু টিম চাউথীয়ে এটা উইকেট দখল কৰে।

বেংগালুৰুত ভাৰত বনাম নিউজিলেণ্ডৰ প্ৰথম দিনৰ খেল বৰষুণৰ ফলত বিনষ্ট হয়। দ্বিতীয় দিনাও ১২.৪ অভাৰ খেলাৰ পাছত বৰষুণ আৰম্ভ হয়। আধা ঘণ্টাৰ পিছত আকৌ খেল আৰম্ভ হয় ।

লগতে পঢ়কঃ সুৰা নিষিদ্ধ বিহাৰ! উৎসৱৰ সময়ত বিষাক্ত সুৰা সেৱন কৰি ২০ জন লোকৰ মৃত্যু; চিকিৎসালয়ত ভৰ্তি বহুতো

টিম চাউথীৰ বল ষ্টেপ আউট কৰি ৰোহিতে খেলিবলৈ যায়। বেট-পেডৰ ফাঁকেৰে বলটো সৰকি উইকেটত খুন্দা মাৰে। ২ ৰাণত আউট হয় ৰেহিত। প্ৰথমটো উইকেট ৯ ৰানত হেৰুৱায় ভাৰতে।

আজি পুনৰ ৰান নাপালে বিৰাট কোহলীয়ে। আন এজন টপ অৰ্ডাৰ বেটছমেন ছৰফৰাজো শূন্য ৰাণত আউট হয়। কোহলী-ছৰফৰাজৰ বেটিং চলি থকা সময়লৈকে ভাৰতে মাত্ৰ ১০ ৰানত ৩টা উইকেট হেৰুৱাইছিল।

যশস্বী জয়ছৱালে বৰ্তি থাকিবলৈ চেষ্টা কৰিছিল যদিও চম্ভালিব পৰা নাছিল। তেওঁৱো ১৩ ৰাণত আউট হয়। কে এল ৰাহুলৰ অৱস্থাও পুতৌজনক। তেওঁৱো ৰুৰকিৰ বল খেলিবলৈ গৈ শূন্য ৰাণত আউট হয়।

লগতে পঢ়কঃ দেশৰ পৰৱৰ্তী মুখ্য ন্যায়াধীশৰ নাম ছুপাৰিশ কৰিলে ডি ৱাই চন্দ্ৰচুড়ে; পৰৱৰ্তী মুখ্য ন্যায়াধীশ হ’ব সঞ্জীৱ খান্না

জাদেজাইও ৰান নাপালে। কোহলীৰ পিছত ছৰফৰাজ, ৰাহুল, জাডেজা, ৰবিচন্দ্ৰন অশ্বিনেও শূন্য ৰাণত আউট হয়। অৰ্থাৎ ভাৰতৰ পাঁচজন বেটছমেনে একাউণ্ট খুলিব নোৱাৰিলে। পন্থেও বেছি সময় খেল ধৰি ৰাখিব নোৱাৰিলে। হেনৰীৰ বলত ২০ ৰান কৰি পেভলিয়নলৈ উভতি যায়।