ভাৰত বিৰোধী ভুৱা প্ৰচাৰ চলোৱাৰ বিৰুদ্ধে মোদী চৰকাৰে কঠোৰ পদক্ষেপ গ্ৰহণ কৰিছে। শুকুৰবাৰে তথ্য আৰু প্ৰযুক্তি মন্ত্ৰালয়ে ৩৫টা ইউটিউব চেনেল, দুটা ইনষ্টাগ্ৰাম, দুটা টুইটাৰ একাউন্ট, দুটা ৱেবছাইট আৰু এটা ফেচবুক একাউন্ট ব্লক কৰাৰ সিদ্ধান্ত লৈছে।
তথ্য প্ৰযুক্তি মন্ত্ৰালয়ৰ যুটীয়া সচিব বিক্ৰম সহায়ে জানিবলৈ দিয়ে যে এই ইউটিউব চেনেল তথা টুইটাৰ, ইনষ্টাগ্ৰাম, ফেচবুক একাউন্টসমূহ পাকিস্তানৰ পৰা পৰিচালনা কৰা হৈছিল।
উক্ত ৩৫টা ইউটিউব চেনেলৰ মুঠ ১কোটি ২০ লাখ ছাবস্ক্ৰাইবাৰ আছিল বুলি কোৱা হৈছে। হিচাপ অনুসৰি, ভাৰত বিৰোধী ভুৱা খৱৰ বিয়পোৱা এই ইউটিউব চেনেলৰ ভিডিঅ’সমূহ কমেও ১৩০ কোটি লোকে চাইছে।
লগতে পঢ়ক: ক্ষমতা লাগে হাগ্ৰামাক! বিজেপি মিত্ৰজোঁট চৰকাৰৰ অংশীদাৰ হ’ব বিপিএফ; আজি চূড়ান্ত কৰিব সিদ্ধান্ত
চোৰাংচোৱাৰ সূত্ৰসমূহে দিয়া তথ্য অনুসৰি পাকিস্তানৰ পৰা পৰিচালিত এই ছচিয়েল মিডিয়া প্লেটফৰ্মৰ জৰিয়তে ভাৰত বিৰোধী প্ৰচাৰ চলোৱা হৈছিল।
তথ্য প্ৰযুক্তি মন্ত্ৰালয়ৰ যুটীয়া সচিব বিক্ৰম সহায়ে জানিবলৈ দিয়া মতে ইয়াৰ ভিডিঅ’সমূহত ভাৰতীয় সেনা, জম্মু আৰু কাশ্মীৰ বিষয়কে ধৰি ভাৰতৰ সৈতে আন দেশসমূহৰ সম্পৰ্কক লৈ বিভিন্ন ভুৱা তথ্য দাঙি ধৰা হৈছে।
লগতে পঢ়ক:Priyanka Chopra: গোপনে ৰাখিব বিচাৰিছে খৱৰটো! মাতৃ হ’ল প্ৰিয়ংকা চোপ্ৰা
আনকি দেশৰ প্ৰথমগৰাকী চীফ অফ ডিফেন্স বিপিন ৰাৱাটৰ মৃত্যু সম্পৰ্কতো ভুল খৱৰ প্ৰচাৰ কৰা হৈছিল।
আনহাতে, বিগত মাহত পাকিস্তানৰ ২০টা ইউটিউব চেনেল আৰু দুটা ৱেবছাইট মোদী চৰকাৰে বন্ধ কৰিছিল।
