ভাৰতৰ লোকপিয়ল আয়ুক্ত তথা মহাপঞ্জীয়ক মৃত্যুঞ্জয় কুমাৰ নাৰায়ণে ঘোষণা কৰিছে যে ২০২৬ চনৰ ১ এপ্ৰিলৰ পৰা দেশজুৰি নাগৰিকৰ গৃহৰ তালিকা প্ৰস্তুতৰ কাম (House Listing Operation) আৰম্ভ হ’ব। এই সন্দৰ্ভত তেওঁ ৰাজ্যসমূহ আৰু কেন্দ্ৰীয় শাসিত অঞ্চলসমূহৰ মুখ্য সচিবসকললৈ এখন গুৰুত্বপূর্ণ পত্ৰ প্ৰেৰণ কৰিছে।
এই পত্ৰত উল্লেখ আছে যে, ২০২৬ চনৰ ১ এপ্ৰিলৰ আগতে ৰাজ্য আৰু জিলা প্ৰশাসনৰ সহযোগত তত্বাৱধায়ক আৰু গণনাকাৰী নিযুক্তি সম্পূৰ্ণ কৰি তেওঁলোকৰ মাজত দায়িত্ব বণ্টন কৰা হ’ব।
দুটা পৰ্যায়ত চলিব ২০২৬ লোকপিয়ল
এইবাৰ ডিজিটেল পদ্ধতিৰে লোকপিয়ল দুটা পৰ্যায়ত সম্পন্ন কৰা হ’ব —
- House Listing Operation (HLO): পৰিয়ালৰ আয়, সম্পত্তি, বাসগৃহৰ পৰিসৰ, সেৱা-সুবিধা আদিৰ তথ্য সংগ্ৰহ।
- Population Enumeration: পৰিয়ালৰ প্ৰতিজন সদস্যৰ ব্যক্তিগত আৰু আৰ্থ-সামাজিক তথ্য সংগ্ৰহ।
উল্লেখযোগ্যভাৱে, এইবাৰ লোকপিয়লৰ সৈতে জাতি জনগণনাও সমান্তৰালভাৱে চলিব। যিটো বহুদিন ধৰি কংগ্ৰেছসহ বিভিন্ন বিৰোধী দলৰ দাবী আছিল।
পৰ্যায়ক্রমে আৰম্ভ হ’ব লোকপিয়ল
- ২০২৬ চনৰ ১ অক্টোবৰ: লাডাখ, জম্মু-কাশ্মীৰ, হিমাচল প্ৰদেশ আৰু উত্তৰাখণ্ডত আৰম্ভ।
- ২০২৭ চনৰ ১ মাৰ্চ: দেশৰ বাকী ৰাজ্যসমূহত আৰম্ভ।
প্ৰতি ১০ বছৰত লোকপিয়ল কৰা হয় যদিও ২০১১ৰ পাছত ২০২১ৰ লোকপিয়ল COVID-19 মহামাৰীৰ বাবে স্থগিত কৰা হয়। ২০২৩ চনৰ সম্ভাৱনাৰ পাছতো মোদী চৰকাৰে নিৰ্বাচনৰ পূৰ্বে লোকপিয়লৰ পথ নল’লে। এই সম্পূর্ণ সময়ছোৱাত মোদী চৰকাৰৰ সময়ছোৱাত এখনো লোকপিয়ল অনুষ্ঠিত হোৱা নাই, যাৰ ফলত চৰকাৰৰ ভিতৰতে বহু প্ৰশ্ন উঠিছিল।
এইবাৰ লোকপিয়লত প্ৰশ্নৰ সংখ্যা বৃদ্ধি পোৱাৰ বাবে সময় আৰু ব্যয় দুয়োটা বৃদ্ধি পোৱাৰ সম্ভাৱনা। কেন্দ্ৰীয় চৰকাৰে ইতিমধ্যে এই প্ৰস্তুতি আৰম্ভ কৰিছে বুলি সদৰী কৰিছে।
