এতিয়াৰে পৰা যিসকল গ্ৰাহকৰ ভাৰতীয় ডাক বিভাগত ছেভিংছ একাউণ্ট আছে তেওঁলোকে তেওঁলোকৰ একাউণ্টত নূন্যতম ৫০০ টকা জমা ৰাখিব লাগিব।
একাউণ্টত নূন্যতম ৫০০ টকা জমা নথকা গ্ৰাহক সকলে ১০০ টকা জৰিমনাৰ সন্মুখিন হ’ব লাগিব আৰু এই নিয়ম ১১ ডিচেম্বৰৰ পৰা কাৰ্য্যকৰী হ’ব।
ভাৰতীয় ডাক বিভাগে এই কথা প্ৰকাশ কৰে।
‘‘যদিহে এটা বিত্তীয় বৰ্ষত গ্ৰাহকৰ ছেভিংছ একাউণ্টত নূন্যতম ৫০০ টকা জমা নাথাকে তেন্তে ১০০ টকা জৰিমনা বিহা হ’ব আৰু যদিহে একাউণ্টত জমা থকা ধন শূন্য হয় তেন্তে নিজে নিজে তেনেধৰণৰ একাউণ্টসমূহ বন্ধ হৈ পৰিব,’’ ভাৰতীয় ডাক বিভাগে নতুন নিয়মৰ বিষয়ে উল্লেখ কৰি এইদৰে কয়।
আনহাতে, ডাক বিভাগত ছেভিংছ একাউণ্ট মুকলি কৰাৰ বাবে নূন্যতম ৫০০ টকা জমা থব লাগিব আৰু একাউণ্ট মুকলি হোৱাৰ পাছত ১০ টকাৰ তলত ধন জমা কৰিব নোৱাৰিব।
ইপিনে, ৫০ টকাতকৈ কম টকা ডাক বিভাগত থকা ছেভিংছ একাউণ্টৰ পৰা উলিয়াব নোৱাৰিব যদিও টকা উলিওৱাৰ সৰ্বোচ্ছ কোনোধৰণৰ সীমা নায়।
একাউণ্টত ৫০০ টকাতকৈ কম টকা থাকিলে ধন উলিওৱাৰ কোনোধৰণৰ অনুমতি দিয়া নহ’ব বুলি ডাক বিভাগে শেহতীয়াভাৱে প্ৰকাশ কৰিছে।
