Covid Cases: দেশত কৰ’নাৰ তৃতীয় ঢৌৰ আশংকা চলি থকাৰ মাজতে যোৱা ২৪ ঘন্টাত দৈনিক সংক্ৰমণৰ হাৰ ৩.৬৫শতাংশ বৃদ্ধি পোৱাৰ লগতে সক্ৰিয় ৰোগীৰ সংখ্যাও হ্ৰাস পোৱা নাই।
শনিবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ৩৫হাজাৰ ৬৬২ জন লোক। শুকুৰবাৰে দেশত মুঠ ক’ৰ’নাত আক্ৰান্ত হৈছিল৩৪হাজাৰ ৪০৩ জন লোক।
দেশত এতিয়া মুঠ কৰ’না আক্ৰান্ত লোকৰ সংখ্যা হৈছেগৈ ৩কোটি ৩৪লাখ ১৭হাজাৰ ৩৯০জন।
আনহাতে, যোৱা ২৪ ঘণ্টাত দেশত ২৮১ জন কোভিড আক্ৰান্ত লোকৰ মৃত্যু হৈছে। শুকুৰবাৰে দেশত কোভিডত মৃত্যু হৈছিল ৩২০জন লোকৰ।
সেইদৰে, দেশত এতিয়ালৈকে মুঠ কৰ’নাত মৃত্যুৰ সংখ্যা হৈছে ৪লাখ ৪৪হাজাৰ ৫২৯জন।
Also Read: মোদীৰ উপহাৰৰ ই-নিলামত নীৰজৰ জেভলিনক অতিক্রমি লাভলিনাৰ গ্ল’ভছৰ দাম উঠিল ১.৯কোটি
দেশত যোৱা ২৪ ঘন্টাত সুস্থ হৈ ঘৰলৈ ওভতা ৰোগীৰ সংখ্যা হৈছে ৩৩ হাজাৰ ৭৯৮জন।
দেশত এতিয়ালৈকে মুঠ ৩কোটি ২৬ লাখ ৩২হাজাৰ ২২২ জন লোক কৰ’নাৰ পৰা সুস্থ হৈ উঠিছে।
স্বাস্থ্য মন্ত্ৰ্যালয়ৰ তথ্য অনুসৰি দেশত বৰ্তমান সক্ৰিয় ৰোগীৰ সংখ্যা হৈছে ৩লাখ ৪০হাজাৰ ৬৩৯জন।
ইপিনে, দেশত এতিয়ালৈকে প্ৰায় ৮০কোটি লোকক কৰ’নাৰ ভেকচিন প্ৰদান কৰা হৈছে। ইয়াৰ ভিতৰত যোৱা ২৪ ঘন্টাত বিশ্ব অবিলেখ সৃষ্টি কৰি আঢ়ৈ কোটি লোকক কৰ’নাৰ ভেকচিন দিয়া হৈছে।
টিকাকৰণৰ সমান্তৰলকৈ কৰ’নাৰ পৰীক্ষাও অব্যাহত আছে। আইচিএমআৰৰ প্ৰতিবেদন অনুসৰি যোৱা ২৪ ঘন্টাত দেশত ১৪লাখ ৪৮হাজাৰ ৮৩৩টা নমুনা পৰীক্ষা কৰা হৈছে।
দেশত কৰ’নাৰ তৃতীয়টো ঢৌ আৰু ভাইৰাছৰ নতুন ভেৰিয়েন্টৰ সংক্ৰমণৰ আতংকই উদ্বিগ্নতা বৃদ্ধি কৰি ৰখাৰ মাজতে কৰ’না পৰিস্থিতি কোনো কাৰণতে উদ্বিগমুক্ত নহয় বুলি ধাৰণা কৰিছে বিশেষজ্ঞসকলে।
