ভাৰতীয় বায়ু সেনা বাহিনীৰ এখন মানৱ বিহীন বিমান ৩০ নৱেম্বৰত শোণিতপুৰ জিলাৰ শালনিবাৰী আৰক্ষী থানাৰ অন্তৰ্গত বোকাজানত দুৰ্ঘটনাগ্ৰস্ত হয়।
দুৰ্ঘটনা সন্দৰ্ভত শোণিতপুৰৰ অতিৰিক্ত উপ আৰক্ষী অধীক্ষক ড০ ৰশ্মিৰেখা শৰ্মাই কয়, ‘‘নিশা ৮.৩০ বজালৈ দুৰ্ঘটনাগ্ৰস্ত মানৱ বিহীন বিমানখনৰ কোনোধৰণৰ সন্ধান লাভ কৰা হোৱা নাই যদিও সমগ্ৰ অঞ্চলটো জিলা আৰক্ষীৰ নিৰপত্তা বেষ্টনীৰ মাজত আছে।’’
দেওবাৰে দুৰ্ঘটনাগ্ৰস্ত মানৱ বিহীন বিমানখনৰ সন্ধানত অভিযান চলোৱা হ’ব বুলিও অতিৰিক্ত উপ আৰক্ষী অধীক্ষক গৰাকীয়ে জানিবলৈ দিয়ে।
ভাৰতীয় বায়ু সেনা বাহিনীয়ে বিভিন্ন ধৰণৰ মানৱ বিহীন বিমান ব্যৱহাৰ কৰি আহিছে।
ভাৰতীয়ে বায়ু সেনা বাহিনীয়ে ইজৰাইল নিৰ্মিত হেৰোনকে ধৰি অন্য বহু প্ৰকাৰৰ মানৱ বিহীন বিমান বিভিন্ন অভিযানৰ বাবে ব্যৱহাৰ কৰি আহিছে।
বায়ু সেনা বাহিনীয়ে মূলত আৰ্টিলাৰিৰ সামাঞ্জস্য, পহৰা আৰু চোৰাংচোৱাৰ কামত মানৱ বিহীন বিমান ব্যৱহাৰ কৰে।
সীমান্ত অঞ্চলত মানৱ বিহীন বিমান ব্যৱহাৰ কৰি শত্ৰুৰ গতিবিধিৰ লগতে অনুপ্ৰৱেশ নিৰীক্ষণ কৰা হয়।
উল্লেখযোগ্য যে, তেজপুৰত দুৰ্ঘটনাগ্ৰস্ত হোৱা মানৱ বিহীন বিমানখন ভাৰতীয় বায়ু সেনা বাহিনীৰ হয় নে নহয় সেয়া এতিয়াও সঠিকভাৱে জানিব পৰা হোৱা নায়।
