বেংকৰ জমা টকা উলিওৱা পদ্ধতি হিচাপে এ টি এমৰ জনপ্ৰিয়তা আৰু সুচলতাক লৈ সন্তুষ্টিৰ মাজতে এইবাৰ ভাৰতীয় মানুহৰ মাজলৈ আহিছে স্বাস্থ্য এ টি এম।
এই স্বাস্থ্য এ টি এম বা Health ATM-বোৰত এজন লোকৰ মাত্ৰ কেইছেকেণ্ডমানৰ ভিতৰতে ৰক্তচাপ, ছুগাৰ, প্ৰ’টিন, শৰীৰত পানীৰ পৰিমাণ আদি কেইবাটাও দিশ জোখ লোৱা হয় আৰু এ টি এম মেচিনবোৰৰ দৰেই তাৰ প্ৰিণ্ট আউট পোৱা যায়।
ভাৰতীয় ৰেইলৱেই ইয়াৰ গোটচেৰেক ৰেইল ষ্টেইশ্যনত ইতিমধ্যে এই স্বাস্থ্য এ টি এম বা Health ATM স্থাপন কৰিছে আৰু যাত্ৰীয়ে তাক ব্যৱহাৰ কৰিছে।
প্ৰথমটো এনে ধৰণৰ এ টি এম লক্ষ্ণৌ ষ্টেইশ্যনত স্থাপন কৰা হৈছিল যদিও এতিয়া নাগপুৰ, ভূপালকে ধৰি আন কেইবাটাতো ইয়াক স্থাপন কৰা হৈছে।
এই মেচিনটোৰ দ্বাৰা নিজৰ স্বাস্থ্য পৰীক্ষা কৰাব খোজা লোকে ইয়াত থকা হেণ্ডেলকেইডালত ধৰি ইয়াৰ সৈতে সংযুক্ত এখন প্লেটত থিয় হৈ কেইছেকেণ্ডমান ৰ’ব লাগে। প্লেটখনে ওজন জোখা মাপনীৰ দৰে কাম কৰে।
এইদৰে কেইছেকেণ্ড মান ৰোৱাৰ পিছত ব্যৱহাৰকাৰীজনৰ স্বাস্থ্য সম্পৰ্কীয় কেইবাটাও তথ্য, যেনে- শৰীৰৰ
ভাৰতীয় ৰেইলৱেই ইয়াক “New Innovative and Idea Scheme” আঁচনিৰ অধীনত স্থাপন কৰিছে আৰু আন আন ষ্টেইশ্যনবোৰতো পৰ্য্যায়ক্ৰমে স্থাপন কৰাৰ লক্ষ্য লৈছে।
এই মেচিন স্থাপনৰ জৰিয়তে ৰেইলৱেই ৰাজহ সংগ্ৰহৰ লক্ষ্য লোৱাৰ লগতে কম খৰচতে যাত্ৰীক স্বাস্থ্যৰ পৰীক্ষা কৰাৰ সুযোগ দিয়াৰ চিন্তা কৰিছে।
নাগপুৰৰ ষ্টেইশ্যনত থকা স্বাস্থ্য এ টি এমটো ব্যৱহাৰ কৰি অভিভূত হোৱা এজন যাত্ৰীয়ে সংবাদ মাধ্যমৰ আগত নিজৰ সন্তুষ্টি প্ৰকাশ কৰে। তেওঁ লগতে কয়, যে মাত্ৰ কেইছেকেণ্ড মানৰ ভিতৰতে তেওঁ নিজৰ ৰক্তচাপ, ছুগাৰ, প্ৰ’টিন লেভেলৰ বিষয়ে তথ্য পালে আৰু ইয়াক প্ৰিণ্টেড ৰূপতো লাভ কৰিলে। মাত্ৰ ৬০ টকাতে তেওঁৰ এই পৰীক্ষাবোৰ হোৱা বুলি কয়।
জানিব পৰা মতে, এই এ টি এম মেচিনবোৰৰ সৈতে এজন বা দুজন পেৰামেডিকেল চিকিৎসক থাকে।
