দেশৰ সংক্ৰমণ পুনৰ বৃদ্ধি পাইছে। যোৱা ২৪ ঘন্টাত মুঠ ৪৪হাজাৰ ৫৯জন আক্ৰান্ত হৈছে এই মাৰাত্মক ভাইৰাছত। আনহাতে, এই সময়ত আৰু ৫১১জন লোকৰ মৃত্যু ঘটিছে।
নতুনতকৈ আৰম্ভ হোৱা সংক্ৰমণৰ ফলত দেশত মুঠ কৰ’না আক্ৰান্তৰ সংখ্যা ৯১লাখ ৩১হাজাৰ ৮৬৬জনলৈ বৃদ্ধি পাইছে।
দেশত কৰ’নাত মৃত্যুৰ সংখ্যা ১লাখ ৩৩হাজাৰ ৭৩৮জনলৈ বৃদ্ধি পাইছে।
দেশৰ মুঠ আক্ৰানতৰ ভিতৰত সক্ৰিয় ৰোগীৰ সংখ্যা হৈছে ৪লাখ ৪৩হাজাৰ ৪৮৬জন। সেইদৰে কৰ’নাক জয় কৰি সুস্থ হৈ উঠা ৰোগীৰ সংখ্যা হৈছে ৮৫ লাখ ৬২হাজাৰ ৬৪২জন।
যোৱা ২৪ঘন্টাত ৪১হাজাৰৰো অধিক আক্ৰান্ত লোক সুস্থ হৈ উঠিছে।
ইপিনে, ৰাজধানী দিল্লীত কৰ’নাৰ সংক্ৰমণে পুনৰ ভয়াবহ ৰূপ ধাৰণ কৰিছে। প্ৰতিদিনে হাজাৰ হাজাৰ লোক আক্ৰান্ত হোৱাৰ খৱৰ আহিছে। লকডাউনৰ পাছত পুনৰ দিল্লীত কৰ’নাৰ সংক্ৰমণে পৰিস্থিতি জটিল কৰি তুলিছে।
কৰ’নাৰ তাণ্ডৱৰ সময়ত দিল্লীৰ হাস্পাতালসমূহত বিচনাৰ সংখ্যাও হ্ৰাস পাইছে। বহু সময়ত কৰ’না আক্ৰান্ত হৈ মৃত্যুৰ সৈতে যুঁজ দি থকা ৰোগীয়ে বিচনা পোৱা নাই আৰু বিনা চিকিৎসাৰে মৃত্যুক আকোৱালি ল’বলগীয়া ঘটনা সংঘটিত হৈছে।
দিল্লীত এতিয়ালৈকে ৮,৩৯১জন লোক কৰ’নাত আক্ৰান্ত হৈ মৃত্যুমুখত পৰিছে।
