ভাৰতৰ প্ৰথম কৰ’নাভাইৰাছৰ ভেকচিন ক’ভেক্সিনৰ মানৱ দেহত সফল প্ৰয়োগ ঘটিছে।
এইমছ, পাটনা আৰু পি জি আই এম এছ, ৰহটকে যোৱা সপ্তাহত এই ভেকচিনৰ মানৱ দেহত পৰীক্ষা আৰম্ভ কৰিছে।
ভেকচিনবিধৰ প্ৰয়োগৰ পিছত স্বেচ্ছাসেৱকসকলৰ দেহত কোনো প্ৰতিকূল প্ৰভাৱ পৰিলক্ষিত হোৱা নাই।
হায়দৰাবাদৰ কোম্পানি ভাৰত বায়’টেকে পুনেৰ এন আই ভি আৰু আই চি এম আৰৰ সহযোগিতাত এই ভেকচিনটো তৈয়াৰ কৰা হৈছে।
আহক এই ভেকচিনটোৰ বিষয়ে জানো–
- পুনেৰ নেচনেল ইনষ্টিটিউট অৱ ভাইৰ’লজিয়ে পৃথক কৰা কৰ’নাভাইৰাছৰ পৰা ভাৰত বায়’টেকে এই “অসক্ৰিয়” ভেকচিনটোৰ বিকাশ কৰিছে।
- মানৱ শৰীৰত এই ভেকচিনৰ প্ৰয়োগ কৰিলে সংক্ৰমণৰ সম্ভাৱনা নাই। কাৰণ ই এটা মৃত ভাইৰাছ। কেৱল দেহৰ ৰোগ প্ৰতিৰোধ ব্যৱস্থা আৰু এণ্টিবডিয়ে এই মৃত ভাইৰাছৰ প্ৰতি কিদৰে সঁহাৰি দিয়ে সেয়া পৰীক্ষা কৰা হয়।
- মানৱ দেহত পৰীক্ষাৰ পূৰ্বে ক’ভেক্সিন জন্তুৰ দেহত পৰীক্ষা কৰি ই অহানিকাৰক হয়নে নহয় চোৱা হৈছে।
- এইমছ, পাটনাই ভেকচিনবিধৰ মানৱ পৰীক্ষণৰ বাবে দহজন স্বেচ্ছাসেৱক লৈছে।
- বাতৰি মতে, প্ৰথমবাৰৰ বাবে ভেকচিন দিয়াৰ ১৪দিন পিছত পুনৰ স্বেচ্ছাসেৱকসকলক ভেকচিন দিয়া হ’ব।
- এই পৰীক্ষাৰ বাবে আই চি এম আৰে দেশৰ ১২টা প্ৰতিষ্ঠান বাচনি কৰিছে।
- দুটা পৰ্য্যায়ত ১১০০তকৈ অধিক লোকৰ ওপৰত ক’ভেক্সিন পৰীক্ষা কৰা হ’ব।
