শনিবাৰে ভাৰতত ১৬১ গৰাকী লোক নতুনকৈ অমিক্ৰনত আক্ৰান্ত হৈছে।ফলত দেশত অমিক্ৰনত আক্ৰান্ত মুঠ লোকৰ সংখ্যা ১,৪৩১ লৈ বৃদ্ধি পাইছে৷
এতিয়ালৈকে ২৩ খন ৰাজ্য আৰু কেন্দ্ৰীয় শাসিত অঞ্চলত কৰোনা ভাইৰাছৰ নতুন প্ৰজাতি অমিক্ৰনত ১,৪৩১ গৰাকী লোক আক্ৰান্ত হৈছে। ইয়াৰে ৪৮৮ গৰাকীয়ে শেহতীয়াকৈ ৰোগৰ পৰা মুক্ত হৈছে।
মহাৰাষ্ট্ৰত সৰ্বাধিক ৪৫৪ টা অমিক্ৰনৰ ঘটনা নথিভুক্ত কৰা হৈছে, দিল্লীত ৩৫১ টা, কেৰালা ১১৮ টা আৰু গুজৰাটত ১১৫ টা। অমিক্ৰনৰ ঘটনা চিহ্নিত হৈছে। শনিবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ২২ হাজাৰ ৭৭৫জন লোক। শুকুৰবাৰে দেশত মুঠ ক’ৰ’নাত আক্ৰান্ত হৈছিল ১৬ হাজাৰ ৭৬৪জন লোক।ইয়াৰ ভিতৰত অ’মিক্ৰণ ভেৰিয়েন্টৰ দ্বাৰা আক্ৰান্ত ৰোগীৰ সংখ্যা ১৪৩১জন।
বিগত ২৪ ঘন্টাত দেশত কৰ’নাত আক্ৰান্ত হৈ ৪০৬ জন লোকৰ মৃত্যু হৈছে। শুকুৰবাৰে দেশত কৰ’নাত প্ৰাণ হেৰুৱাইছিল ২২০ জন লোকে।দেশত এতিয়ালৈ কৰ’নাত মৃত্যু হোৱা মুঠ লোকৰ সংখ্যা হৈছে ৪ লাখ ৮১হাজাৰ ৪৮৬জন।
যোৱা ২৪ ঘন্টাত দেশত কৰ’নাৰ পৰা আৰোগ্য লাভ কৰা ৰোগীৰ সংখ্যা হৈছে ৮হাজাৰ ৯৪৯জন লোক।দেশত এতিয়ালৈ কৰ’না পৰা আৰোগ্য লাভ কৰা মুঠ ৰোগীৰ সংখ্যা হৈছে ৩কোটি ৪২ লাখ ৭৫হাজাৰ ৩১২জন।
ইপিনে, দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ১ লাখ ৪ হাজাৰ ৭৮১জন। এই সংখ্যা পূৰ্বৰ দিনৰ তুলনাত ১৩হাজাৰ ৪২০জন অধিক। দেশৰ ভিতৰত মহাৰাষ্ট্ৰত সৰ্বাধিক ৪৫৪ জন লোক অ’মিক্ৰন ভেৰিয়েন্টৰ দ্বাৰা আক্ৰান্ত হৈছে।
মহাৰাষ্ট্ৰৰ পাছতেই দিল্লীত মুঠ ৩৫১জন অ’মিক্ৰণ ভেৰিয়েন্টত আক্ৰান্ত হৈছে।দেশত ইতিমধ্যে ১৪৫ কোটি ১৬লাখ ২৪হাজাৰ ১৫০জন লোকক কৰ’নাৰ ভেকচিন প্ৰদান কৰা হৈছে।
ইপিনে, দেশত কৰ’নাৰ তৃতীয়টো ঢৌৰ আশংকাক আগত ৰাখি দেশবাসীক কোভিড বিধি মানি চলিবলৈ বাৰম্বাৰ আহ্বান জনাই আহিছে বিশেষজ্ঞসকলে।
