বজাৰলৈ আহিল iPhone 15 ছিৰিজ। মঙলবাৰে অনুষ্ঠিত হোৱা ২০২৩ চনৰ Apple ইভেণ্টত এপলে নিজৰ শেহতীয়া iPhpone 15 আৰু iPhone 15 Plus মুকলি কৰে।
এই নতুন মডেলৰ ফোনটোত ৬.১ ইঞ্চি আৰু ৬.৭ ইঞ্চিৰ ডিছপ্লে আছে। উল্লেখ্য যে এই ফোন ৭৫% পুনঃব্যৱহৃত এলুমিনিয়াম আৰু ১০০% পুনঃব্যৱহৃত কোবাল্টৰ পৰা তৈয়াৰ কৰা হৈছে। গোলাপী, হালধীয়া, সেউজীয়া, নীলা আৰু ক’লা ৰঙত উপলব্ধ হ’ব আইফোন ১৫।
আইফোন ১৫ৰ ৪৮ মেগাপিক্সেলৰ কেমেৰাত আছে ২৬ মিমি ফ’কেল পাৱাৰ, ১০০% ফ’কাচ পিক্সেল, চেন্সৰ-শ্বিফ্ট অ’আইএছ ইত্যাদি। আইফোন ১৫ৰ মূল্য ভাৰতত ৬৬,২১৫ টকা। আনহাতে আইফোন ১৫ প্লাছৰ ভাৰতীয় মুদ্ৰাত প্ৰায় ৭৪,৫০৩ টকা।
উল্লেখ্য যে এইবাৰ এপলে নিজৰ আইফোন আৰু অন্যান্য সামগ্ৰীৰ বাবেও USB-C চাৰ্জিং প’ৰ্ট প্ৰদান কৰিছে।
