আই পি এল ২০২০ত টি-২০ৰ আন্তঃৰাষ্ট্ৰীয় ষ্টাৰ সকলে অনুৰাগীৰ আকাংক্ষা পূৰণ কৰিব নোৱাৰিলেও কিন্তু কেইবাজনো ঘৰুৱা ক্ৰিকেটাৰ বেট আৰু বলেৰে উজলি উঠিছিল।
আক্ষৰিকভাৱে, আই পি এল ২০২০ হৈছে ঘৰুৱা ভাৰতীয় ক্ৰিকেটাৰসকলৰ বাবে সৰ্বশ্ৰেষ্ঠ।
ঘৰুৱা ক্ৰিকেটাৰ হিচাপে ঈষাণ কিষাণে গঢ়িছে এটা সৰ্বকালীন অভিলেখ।
চাও আহক আই পি এল ২০২০ত ঘৰুৱা ক্ৰিকেটাৰে গঢ়া কেইটামান অভিলেখ
১) প্ৰতিযোগিতাখনত সৰ্বাধিক ৰান সংগ্ৰহকাৰীৰ তালিকাৰ শীৰ্ষ দহটা স্থানত আছে তিনিজন ঘৰুৱা ক্ৰিকেটাৰ।
ঈষাণ কিষাণ (৫১৬) পাঁচ নম্বৰত আছে। সূৰ্যকুমাৰ যাদৱ (৪৮০) সাত নম্বৰত আৰু দেৱদূত পাডিকাল (৪৭৩) আঠ নম্বৰত আছে।
২) ঈষাণ কিষাণে প্ৰতিযোগিতাত ৩০ টা ছয় কোবাইছে।
৩) আই পি এল ২০২০তে প্ৰথমবাৰলৈ কেইবাজনো ক্ৰিকেটাৰে ৪০০ৰো অধিক ৰান সংগ্ৰহ কৰিছে।
৪) আন্তঃৰাষ্ট্ৰীয় ক্ৰিকেট নেখেলা ক্ৰিকেটাৰ হিচাপে ঈষাণ কিষাণেই সৰ্বাধিক ৫১৬ ৰান সংগ্ৰহ কৰি সৰ্বকালৰ অভিলেখ গঢ়ে।
ঈষাণে ২০১৮ চনত সূৰ্যকুমাৰ যাদৱে সংগ্ৰহ কৰা ৫১২ ৰানৰ অভিলেখ ভংগ কৰে।
৫) এইবাৰৰ ছিজনত সৰ্বোচ্চ উইকেট দখলকাৰীৰ তালিকাৰ শীৰ্ষ দহত আছে দুজন ঘৰুৱা বলাৰ। বৰুণ চক্ৰৱৰ্তী ১৭টা উইকেটৰ সৈতে ৯ নম্বৰত আৰু টি নটৰাজন ১৬টা উইকেটৰ সৈতে ১০ নম্বৰত আছে।
৬ আই পি এল ২০২০ৰ মেচত ৫টা উইকেট সংগ্ৰহ কৰা একমাত্ৰ বলাৰ আছিল বৰুণ চক্ৰৱৰ্তী।
৭) একেৰাহে তিনিখন মেচত শ্ৰেষ্ঠ খেলুৱৈ নিৰ্বাচিত হৈ অভিলেখ গঢ়ে চেন্নাই ছুপাৰ কিংছৰ ঋতুৰাজ গায়কোৱাড়ে। ঘৰুৱা ক্ৰিকেটাৰ হিচাপে এয়া এক ইতিহাস।
