অৱশেষত জেকলিন ফাৰ্নাণ্ডেজে মুখ খুলিলে। প্ৰতাৰক সুকেশ চন্দ্ৰশেখৰৰ আচৰণক লৈ তেওঁ নিৰাপত্তাহীনতা ভূগিছে। এই কথা তেওঁ পোনপটীয়াকৈ দিল্লীৰ পাটিয়ালা হাউছ ক’ৰ্টত আবেদনৰ ৰূপত কয়। তেওঁৰ আবেদনত কোৱা হৈছে যে চন্দ্ৰশেখৰৰ পৰা ইখনৰ পিছত সিখন পত্ৰ পোৱাৰ পিছত তেওঁ বৰ ভয় খাইছে। তেওঁক যাতে বিশেষ নিৰাপত্তা দিয়া হয় তাৰ বাবে অনুৰোধ জনাইছে।
৩০০ কোটি টকাৰ প্ৰতাৰণাৰ অভিযোগত জেলত জীৱন কটাবলগীয়া হৈছে সুকেশে। জেকলিন, নোৰা ফাতেহি তেওঁৰ প্ৰৱঞ্চনাৰ সৈতে জড়িত। প্ৰতাৰকৰ বাবে তেওঁৰ কোনো দুৰ্বলতা নাই যদিও জেকলিনৰ প্ৰেমত পৰিছে সুকেশ!
জেলত থকা অৱস্থাত তেওঁ নায়িকালৈ ইখনৰ পিছত সিখন পত্ৰ লিখি আছে। নায়িকাক জন্মদিনৰ শুভেচ্ছা জনাইছে। যিকোনো উৎসৱ, উদযাপনৰ মুহূৰ্তত পত্ৰৰ জৰিয়তে নিজৰ ভালপোৱা প্ৰকাশ কৰিছে। জেকলিনে প্ৰতিখন পত্ৰ এৰি চলিছে। কিন্তু কিছুদিন আগতে লিখা শেষ পত্ৰখনে তেওঁক শংকিত কৰিছে। তেওঁ স্পষ্টকৈ কৈছে যে তেওঁ মুকলি হোৱাৰ পিছত পুনৰ জেকলিনৰ সৈতে জীৱনটো কটাব বিচাৰে।
ইয়াতেই নায়িকাৰ আপত্তি। তেওঁ আবেদনত লিখিছে যে প্ৰৱঞ্চকজনৰ সৈতে তেওঁৰ কোনো ধৰণৰ সম্পৰ্ক নাই। ধন সৰবৰাহত তেওঁক সহায়ো কৰা নাছিল। প্ৰৱঞ্চকজনে ইখনৰ পিছত সিখন পত্ৰ লিখিছে। কিন্তু জেকলিনে কোনো উত্তৰ দিয়া নাই। ইয়াৰ পৰাই প্ৰমাণিত হয় যে সুকেশৰ লগত তেওঁৰ কোনো ধৰণে জড়িত নহয়!
তেওঁৰ অধিবক্তাইও জেকলিনৰ ৰেহাইৰ বাবে দিল্লী উচ্চ ন্যায়ালয়ত আবেদন দাখিল কৰিছে। যদিও আদালতৰ দাবী, জেকলিনে সুকেশে দিয়া উপহাৰ, ধন উপভোগ কৰিছে। সেয়েহে তেওঁৰ এই পৰিণাম। সেই ক্ষেত্ৰতো নায়িকাগৰাকীয়ে এলোটা যুক্তি দিছে। তেওঁৰ মতে, প্ৰৱঞ্চকজনে তেওঁক ফান্দত পেলাবলৈকে এই সকলো কৰিছে। চন্দ্ৰশেখৰক তেওঁ ঘুণাক্ষৰেও চিনি নাপায়।
