বৃহস্পতিবাৰে জম্মু-কাশ্মীৰৰ নাগ্ৰোটা অঞ্চলত নিৰাপত্তাৰক্ষা বাহিনীৰ সৈতে হোৱা এক সংঘৰ্ষত চাৰিজন সন্ত্ৰাবাদী নিহত হয়।
সন্ত্ৰাসবাদী কেইজনে নাগ্ৰোটাৰ বান অঞ্চলৰ ৰাষ্ট্ৰীয় পথৰ টোল প্লাজাৰ ওচৰত নিৰাপত্তা বাহিনীক লক্ষ্য কৰি বিয়লি ৫ বজাৰ পৰা গুলীবৰ্ষণ কৰে।
তেওঁলোকে এখন গাড়ীৰ ভিতৰত লুকাই আছিল বুলি জম্মু আৰক্ষী প্ৰধান এছ এছ পি শ্ৰীধৰ পাটিলে।
সংঘৰ্ষ চলা কাৰণে জম্মু-শ্ৰীনগৰ ৰাষ্ট্ৰীয় পথটো বন্ধ কৰি দিয়া হৈছে। তদুপৰি নাগ্ৰোটা আৰু উধমপুৰৰ টিল্টিং অঞ্চলৰো সকলো যান-বাহন বন্ধ কৰা হৈছে।
চি আৰ পি এফৰ মুখপাত্ৰ শিবনান্দন সিঙে বান টোল প্লাজাৰ ওপৰত কৰা আক্ৰমণক আৰক্ষী আৰু চি আৰ পি এফৰ যুটীয়া বাহিনীৰ ওপৰত জানুৱাৰিত চলোৱা আক্ৰমণৰ সৈতে তুলনা কৰে।
প্ৰাথমিক তদন্তৰ পৰা জানিব পৰা গৈছে যে এই ঘটনাত ৩-৪ জন উগ্ৰপন্থী জড়িত আছে।
এই অভিযানত সেনা বাহিনীও যোগ দিয়া বুলি প্ৰতিৰক্ষা বিভাগৰ মুখপাত্ৰ লেফটেণেণ্ট কৰ্ণেল দেবেন্দৰ আনন্দে জনায়।
