সৰভোগৰ মইনবড়ী সত্ৰৰ সত্ৰাধিকাৰৰ পুত্ৰ অপূৰ্ব অধিকাৰীক জেহাদী সংগঠনৰ নামত ভাবুকি পত্ৰ প্ৰেৰণক লৈ সমগ্ৰ অঞ্চলটোত তীব্ৰ প্ৰতিক্ৰিয়াৰ সৃষ্টি হৈছে।
জেহাদী সংগঠন জে.এম.বিৰ অসম শাখাৰ জেহেৰুল ইছলামে অপূৰ্ব অধিকাৰীলৈ প্ৰেৰণ কৰা পত্ৰখনৰ জৰিয়তে মন্ত্ৰী হিমন্ত বিশ্ব শৰ্মা, জয়ন্ত মল্ল বৰুৱা আৰু ময়নবড়ী সত্ৰৰ সত্ৰাধিকাৰৰ পুত্ৰ অপূৰ্ব অধিকাৰীক ইছলামৰ চিৰ শত্ৰু বুলি অভিহিত কৰাৰ লগতে হত্যাৰ ভাবুকি প্ৰদান কৰে।
এই ঘটনা সন্দৰ্ভত অপূৰ্ব অধিকাৰীয়ে সৰভোগ আৰক্ষী থানাত ইতিমধ্যে এজাহাৰ দাখিল কৰিছে।
এজাহাৰৰ ভিত্তিত সৰভোগ থানাৰ আৰক্ষীয়ে ইতিমধ্যে সমগ্ৰ ঘটনাস্থলী পৰিদৰ্শন কৰি তদন্ত অব্যাহত ৰাখিছে।
এই পত্ৰখন ইছলামিক সংগঠন জে.এম.বিৰ অসম শাখাই প্ৰেৰণ কৰিছে নে কোনো দুষ্ট চক্ৰই প্ৰেৰণ কৰিছে সেয়া আৰক্ষীৰ অনুসন্ধানতহে জানিব পৰা যাব।