দেশজুৰি এতিয়া হিজাব বিতৰ্ক তুংগত উঠিছে।
কালি কৰ্ণাটক উচ্চ ন্যায়ালয়ে বিষয়টোৰ নিষ্পত্তি নোহোৱা পৰ্যন্ত কোনো শিক্ষাৰ্থীকে শিক্ষানুষ্ঠানত ধৰ্মীয় পোছাক নিপিন্ধিবলৈ নিৰ্দেশ দিয়াৰ পিছতে একাংশ লোকে উচ্চ ন্যায়ালয়ৰ ৰায়টোক প্ৰত্যাহ্বান জনাই উচ্চতম ন্যায়ালয়ত আবেদন কৰিছিল।
উচ্চতম ন্যায়ালয়ে কৰ্ণাটক উচ্চ ন্যায়ালয়ৰ অন্তৱৰ্তীকালীন আদেশক প্ৰত্যাহ্বান জনাই একাংশ লোকে কৰা আবেদনৰ জৰুৰী শুনানি গ্ৰহণ কৰিবলৈ অস্বীকাৰ কৰি কয় যে কৰ্ণাটকৰ পৰিস্থিতি আৰু উচ্চ ন্যায়ালয়ৰ শুনানিত আদিৰ ক্ষেত্ৰত উচ্চতম ন্যায়ালয়ে চোকা দৃষ্টি ৰাখিছে।
কৰ্ণাটকত সৃষ্টি হোৱা এই বিষয়টোক ৰাষ্ট্ৰীয় বিষয় নকৰিবলৈও উচ্চতম ন্যায়ালয়ে আহ্বান জনায়। ইপিনে কৰ্ণাটকৰ হিজাব বিতৰ্ক সন্দৰ্ভত আজি অসমৰ মুখ্যমন্ত্ৰী হিমন্ত বিশ্ব শৰ্মাই উত্তৰাখণ্ডত কংগ্ৰেছক তুলাধুনা দিয়ে।
Under the leadership of Adarniya PM Shri @narendramodi ji, the nation has witnessed unprecedented development. Households in urban & rural arease are getting water & electricity, while National Highways are being built at a rapid pace across the country, including Uttarakhand. pic.twitter.com/yFLclJArNV
— Himanta Biswa Sarma (@himantabiswa) February 11, 2022
ৰাজ্য খনলৈ নিৰ্বাচনী প্ৰচাৰ চলাবলৈ গৈ মুখ্যমন্ত্ৰী হিমন্ত বিশ্ব শৰ্মাই কয় যে কংগ্ৰেছে মেৰুকৰণৰ ৰাজনীতি কৰিব বিচাৰিছে।
কংগ্ৰেছত জিন্নাৰ আত্মাই প্ৰৱেশ কৰিছে বুলি মন্তব্য কৰি হিমন্ত বিশ্বই কয় যে দলটোৱে মুছলমান ছোৱালীবোৰ চিকিৎসক অথবা অভিযন্তা হোৱাটো নিবিচাৰে।
ছোৱালীবোৰক হিজাবৰ মাজতহে সোমাই থকাটো বিচাৰে। কংগ্ৰেছে ৰাজনৈতিক উদ্দেশ্য সিদ্ধিৰ বাবেহে হিজাব বিতৰ্কৰ জন্ম দিছে বুলিও তেওঁ মন্তব্য কৰে।
