Jioৰ গ্ৰাহকে এতিয়া পূৰ্বৰ দৰে নাপাব সম্পূৰ্ণ বিনামূলীয়া সেৱা। এতিয়াৰে পৰা Jioৰ গ্ৰাহকসকলে আন নেটৱৰ্কলৈ ফোন কৰিলে প্ৰতি মিনিটতকৈ ভৰিব লাগিব ৬ পইচাকৈ। Jioই এই কথা আজি এক জাননী যোগে জনাইছে।
interconnect usage charge (IUC)ৰ নামত Jio ই গ্ৰাহকৰ পৰা ল’ব প্ৰতি মিনিটত ৬ পইচাকৈ। অৱশ্যে Jio ৰ বাকী সকলো সা-সুবিধা পূৰ্বৰ দৰেই থাকিব। লগতে Jio ৰ পৰা Jio লৈ কল কৰিলে ভৰিব নালাগে এই পইচা।
লগতে পঢ়ক– বাল্যকালতে বিয়াত বহা দুই বৃক্ষৰ গুৱাহাটীত পঞ্চদশ বিবাহ বাৰ্ষিকী
উল্লেখযোগ্য যে পূৰ্বতে Telecom regulator TRAI এ ২০১৭ চনত IUC ৰ শুল্ক ১৪ পইচাৰ পৰা হ্ৰাস কৰি ৬ পইচা কৰিছিল আৰু এই শুল্ক ২০২০ চনৰ ১ জানুৱাৰীৰ পৰা সম্পূৰ্ণৰূপে নাইকীয়া হ’ব বুলি উল্লেখ কৰিছিল।
লগতে পঢ়ক– কেন্দ্ৰীয় কৰ্মচাৰীলৈ মোদীৰ বিশেষ “দিৱালীৰ উপহাৰ”
কিন্তু TRAI এ নিজৰ সিদ্ধান্তক পুনৰ বিবেচনা কৰি ইয়াৰ বাবে আৰু কিছু সময় লাগিব বুলি ঘোষণা কৰিছে। গতিকে এতিয়াৰে পৰা interconnect usage charge (IUC)ৰ নামত প্ৰতি মিনিটত ৬ পইচাকৈ Jio ই গ্ৰাহকৰ পৰা ল’ব।
অৱশ্যে এই অতিৰিক্ত চাৰ্জৰ বিনিময়ত গ্ৰাহকে লাভ কৰিব সম পৰিমাণৰ বিনামূলীয়া ব্ৰডবেণ্ড ডাটা।
যেতিয়া TRAI–এ এই IUC শুল্ক নাইকীয়া কৰিব, তেতিয়াই জিঅ’ই ইয়াক উঠাই ল’ব আৰু পূৰ্বৰ দৰে বিনামূলীয়া সেৱা দিব।
