অৱশেষত ভাৰত আহি পালে পাবজি লাইট (PUBG LITE) খেল। ভাৰতত বহুদিনৰ পৰা খেলবিধ বিটা সংস্কৰণত উপলব্ধ হৈ আহিছিল। পাবজি লাইটৰ আকৰ্ষণীয় সুবিধাটো হ’ল ই সাধাৰণ লেপটপত উপভোগ্যকৈ খেলিব পৰা সুবিধাৰে ডিজাইন কৰা হৈছে।
পাবজি লাইটৰ সৈতে সহযোগী হিচাপে অন্তৰ্ভূক্ত হৈছে জিঅ’। জিঅ’ সংযোগ থকা সকলে পাবজি লাইটৰ ক্ষেত্ৰত বিশেষ সুবিধা লাভ কৰিব। ভাৰতীয় টেলিকম প্ৰকতিষ্ঠানটোৱে পাবজি লাইটৰ ক্ষেত্ৰত জিঅ’ সংযোগ থকা সকলৰ বাবে বিনামূলীয়া স্কীনৰ সুবিধা আগবঢ়াইছে। যদিহে আপোনাৰ পাবজি লাইট আৰু জিঅ’ সংযোগ আছে তেনেহ’লে https://gamesarena.jio.com লৈ গৈ ৰেজিষ্টাৰ কৰক আৰু আকৰ্ষণীয় উপহাৰ লাভ কৰক।
পাবজি খেলুৱৈসকলে উপহাৰ জিকিবলৈ হ’লে তেওঁলোকৰ খেলত লাভ কৰা স্থিতিৰ বিষয়ে পঞ্জীয়ন কৰিব লাগিব আৰু তেওঁ সক্ৰিয় জিঅ’ উপভোক্তা হ’ব লাগিব। এবাৰ খেলুৱৈ গৰাকীয়ে নিৰ্দিষ্ট ফৰ্মখন পূৰণ কৰি জমা কৰাৰ পাছত জিঅ’ৰ তৰফৰ পৰা এটা ভেৰিফিকেশ্যন কোড পঠোৱা হ’ব য’ত উপহাৰৰ বিষয়ে উল্লেখ থাকিব।
উল্লেখযোগ্য যে, ভাৰতত ইতিমধ্যে পাবজি গেমে যথেষ্ট জনপ্ৰিয়তা লাভ কৰিছে। পাবজি লাইট মুকলি কৰাৰ ফলত খেলবিধ খেলাটো আৰু অধিক সহজসাধ্য আৰু আকৰ্ষণীয় হৈ পৰিব বুলি আশা কৰা হৈছে।
