এজন উদণ্ড যুৱকৰ আক্ৰমণত গুৰুতৰভাৱে আঘাতপ্ৰাপ্ত হৈছে নিউজ চেনেল DY৩৬৫ ৰ এগৰাকী জ্যেষ্ঠ সংবাদিক।
ঘটনা বিবৰণী অনুসৰি ,পত্নীক সন্ধিয়া কৰ্মথলী GMCHৰ পৰা আনিবলৈ যাওঁতে সন্মুখত হঠাৎ এজন যুৱকে এগৰাকী নাৰ্চক দাৰে ঘপিয়াই থকা প্ৰত্যক্ষ কৰে।
যুৱতীগৰাকীয়ে সহায়ৰ বাবে চিঞৰাত সাংবাদিক আফনুৰে দৌৰ মাৰি নাৰ্চগৰাকীক বচাবলৈ যাওঁতে যুৱকজনে তেওঁকো দাৰে ঘপিয়ায়৷
বৰ্তমান আফনুৰৰ লগতে নাৰ্চগৰাকী অতি সংকটজনক অৱস্থাত GMCHত চিকিৎসাধীন হৈ আছে।
আফনুৰৰ আঘাত ইমানেই গুৰুতৰ যে গালত ৩৪টাকৈ চিলাই পৰিছে৷ লগতে নাৰ্চগৰাকীৰ মূৰত বহুকেইটা চিলাই পৰিছে বুলি জানিব পৰা গৈছে।
ইপিনে, ভঙাগড় আৰক্ষীয়ে সুৰামত্ত যুৱকজনক ইতিমধ্যে গ্ৰেপ্তাৰ কৰিছে।
পংকজ বৈশ্য নামৰ উদণ্ড যুৱকজনে নিজকে JMCHৰ কৰ্মচাৰী বুলি পৰিচয় দিছে।
পংকজ বৈশ্যৰ ঘৰ যোৰহাটত আৰু নাৰ্ছ গৰাকীয়ে প্ৰেম প্ৰত্যাখ্যান কৰাৰ বাবেই প্ৰথমে তৰ্ক-বিতৰ্ক আৰু পাছত দাৰে ঘপিয়ায়।
মানৱীয়তাৰ খাতিৰত যুৱতীগৰাকীক ৰক্ষা কৰিবলৈ যাওঁতে যুৱকজনে সাংবাদিক আফনুৰক আক্ৰমণ কৰি গুৰুতৰভাৱে আহত কৰে।