বাণিজ্যত ৬ টাকৈ স্থান দখলেৰে উজলিল কে চি দাস বাণিজ্য মহাবিদ্যালয়
সদ্যঘোষিত উচ্চতৰ মাধ্যমিকৰ ফলাফলত উজ্বলি উঠিছে মহানগৰীৰ ছাত্ৰীবাৰীস্থিত কে চি দাস বাণিজ্য মহাবিদ্যালয়।
মহাবিদ্যালয়খনৰ আয়ুশী জৈনে সৰ্বমুঠ ৪৬৮ নম্বৰ লাভ কৰি অসমৰ ভিতৰত বাণিজ্য শাখাত দ্বিতীয় স্থান দখল কৰিবলৈ সক্ষম হয়।
ইয়াৰোপৰি, হানিচিকা চাওলাই ৪৫৮ নম্বৰ লাভ কৰি অসমৰ ভিতৰত সপ্তম স্থান দখল কৰে। লগতে দিশা জৈনে ৪৫৭ নম্বৰ লাভ কৰি অষ্টম স্থান দখল কৰিবলৈ সক্ষম হয়।
মহাবিদ্যালয় খনৰ দশম স্থানত আছে মুছকান পাচিছিয়া, জাগৰুতি চেঠীয়া আৰু ইচিকা আগৰৱাল। তেওঁলোকে লাভ কৰে মুঠ ৪৫৪ নম্বৰ।
মহাবিদ্যালয়খনৰ এইবাৰ উত্তীৰ্ণৰ হাৰ হ’ল ৯৯ শতাংশ। মহাবিদ্যালয়খনৰ পৰা এইবাৰ মুঠ ৩১১ গৰাকী ছাত্ৰ-ছাত্ৰী পৰীক্ষাত অৱতীৰ্ণ হৈছিল। ইয়াৰে ১২৫ গৰাকীয়ে ষ্টাৰ মাৰ্ক, ২৪৬ গৰাকীয়ে প্ৰথম বিভাগ, ৪১ গৰাকীয়ে দ্বিতীয় বিভাগ আৰু ২১ গৰাকীয়ে তৃতীয় বিভাগ লাভ কৰিছে।
মহাবিদ্যালয়খনৰ প্ৰসিদ্ধ লাখটকীয়াই অৰ্থনীতি বিজ্ঞানত ৯৮ শতাংশ নম্বৰ লাভ কৰি ৰাজ্যৰ ভিতৰতে বিষয়টোত সৰ্বোচ্চ নম্বৰ লাভ কৰিছে।