বিজেপি চৰকাৰৰ বিৰুদ্ধে সৰৱ হৈ উঠিছে চিপিআই নেতা কানহায়া কুমাৰ।
কানহায়াই প্ৰধানমন্ত্ৰী নৰেন্দ্ৰ মোডীক ‘ডাঙৰ ফাঁকীবাজ’ হিচাপে নাম দিয়াৰ উপৰিও আৰু অসমৰ স্বাস্থ্যমন্ত্ৰী হিমন্ত বিশ্ব শৰ্মাক মহাভাৰতৰ কংসৰ স’তে তুলনা কৰে।
শেহতীয়াকৈ প্ৰধানমন্ত্ৰী মোদীৰ বাংলাদেশ ভ্ৰমণত তেওঁ কৈছিল যে বাংলাদেশৰ মুক্তযুদ্ধত ‘সত্যাগ্ৰহ’ কৰি তেওঁ কাৰাবাস খাটিছিল।
এই সম্পৰ্কত কানহায়া কুমাৰে কয় যে ই এটা চৰম মিথ্যাচাৰ।
অসম বিধানসভা নিৰ্বাচন উপলক্ষে মৰিগাঁৱত সমষ্টিটোৰ চিপিআই প্ৰাৰ্থী মুনিন মহন্তৰ হৈ এখন নিৰ্বাচনী সভাত অংশ লৈ কানহায়া কুমাৰে অসমবাসীয়ে ৰাষ্ট্ৰীয়তাবাদৰ নামত দেশৰ সম্পদ বিক্ৰি কৰি থকাৰসকলক সমৰ্থন নকৰিবলৈ আহ্বান জনায়।
”পাঁচটা বছৰত কি হ’ল? একেবোৰ মানুহেই কেনেদৰে ভোট খুজিব আহিছে? যেতিয়া মই ইয়ালৈ আহিছিলো, মোক কোনোবাই কৈছিল যে মই মোডীক প্ৰত্যহ্বান জনাব পাৰো। মই ক’লো যে প্ৰধানমন্ত্ৰী মোডীক প্ৰত্যাহ্বান জনাবলৈ হ’লে বিশ্বৰ আটাইতকৈ ডাঙৰ ফাঁকীবাজ হ’ব লাগিব।”- কানহায়াই ভাষণত এইদৰে কয়।
উল্লেখযোগ্য যে ১৯৭১ চনত পাকিস্তানৰ পৰা বিচ্ছিন্ন হ’বৰ বাবে গঢ় লৈ উঠা বাংলাদেশৰ মুক্তি যুদ্ধক ইন্দিৰা গান্ধী নেতৃত্বাধীন ভাৰত চৰকাৰে সমৰ্থন কৰিছিল।
সেয়ে, সত্যাগ্ৰহ কৰাৰ বাবে মোডীক কিয় মুক্তি যুদ্ধৰ ভাৰত চৰকাৰে কাৰাবন্দী কৰিব, কানহায়া কুমাৰে প্ৰশ্ন কৰে।
কানহায়াই কয় যে কোনে তেওঁক কাৰাবন্দী কৰিছিল- ভাৰত চৰকাৰে নে পাকিস্তান চৰকাৰে?
অসমক শ্ৰীমন্ত শংকৰদেৱ আৰু আজান ফকীৰৰ দেশ বুলি কৈ তেওঁ কয় যে বিজেপিয়ে অসমৰ ইতিহাস নাজানে।
”এই দলটোৱে অসমৰ বাবে একো ভাল কাম কৰিব নোৱাৰে। প্ৰধানমন্ত্ৰী মোডীয়ে তেওঁৰ গুজৰাটী বন্ধুসকলক দেশখন বিক্ৰী কৰি আছে। আপুনি এই লোকসকলৰ ষড়যন্ত্ৰটো বুজি পাব লাগে।”- কানহায়াই কয়।