কৰ্ণাটকত হিজাব বিতৰ্কই নতুন মোৰ লৈ এতিয়া ৰাজনৈতিক ৰূপ লৈছে। কংগ্ৰেছৰ সাধাৰণ সম্পাদক প্ৰিয়ংকা গান্ধীয়েও এই বিষয়ত নিজৰ মতামত ব্যক্ত কৰিছে।
প্ৰিয়ংকা গান্ধীয়ে টুইট কৰি কয়, ‘মহিলাসকলে তেওঁলোকৰ নিজৰ ইচ্ছা অনুসৰি পোছাক পিন্ধাৰ অধিকাৰ আছে, যিটো তেওঁলোকে সংবিধানৰ পৰা লাভ কৰিছে।
“মই ছোৱালীজনীৰ সৈতে যুঁজিব পাৰোঁ’। প্ৰিয়ংকা গান্ধীয়ে লিখিছে যে বিকিনি, ওৰনিয়ে হওঁক বা জিন্স হওঁক বা হিজাব হওঁক, কি পিন্ধিব লাগে সেয়া মহিলাসকলৰ ওপৰত নিৰ্ভৰ কৰে। এই অধিকাৰ তেওঁলোকক ভাৰতৰ সংবিধানে দিছে।
কৰ্ণাটকৰ বিদ্যালয় মহাবিদ্যালয়সমুহত ধৰ্মীয় প্ৰতিশোধ নিষিদ্ধ কৰাৰ ন্যায়ালয়ৰ নিৰ্দেশৰ পিছতে বিৰাজ কৰিছে উত্তপ্ত পৰিস্থিতিয়ে। বহুতো জিলাৰ বিদ্যালয় আৰু মহাবিদ্যালয়ত শিক্ষাৰ্থীৰ দল মুখামুখি সংঘৰ্ষত লিপ্ত হৈছে। শিল নিক্ষেপৰ ঘটনাও ঘটিছে।
বিজেপি-অনুমোদিত সংগঠনসমূহেও সাম্প্ৰদায়িক সংঘৰ্ষবোৰক উদগনি দিয়া দেখা গৈছে। এফালে মুছলমান ছাত্ৰীসকলে হিজাবৰ ওপৰত নিষেধাজ্ঞাৰ বিৰুদ্ধে প্ৰতিবাদ কৰি আছে, আনপিনে বহুতো হিন্দু ছাত্ৰীয়ে গেৰুৱা গামোচা আৰু দুপাট্টা পিন্ধি চৌহদত জয় শ্ৰী ৰাম শ্ল’গান দি আছে।
এই গোটেই বিষয়টোৰ প্ৰতিধ্বনি এতিয়া উত্তৰ প্ৰদেশতো উপনীত হৈছে। উত্তৰ প্ৰদেশৰ নিৰ্বাচনতো ইয়াৰ প্ৰৱেশ ঘটিছে। আসাদুদ্দিন ওৱেচি আৰু বিজেপিয়ে এই বিষয়টোকলৈ আৰম্ভ কৰিছে বোকা ছটিওৱাৰ ৰাজনীতি।
হিজাব বিতৰ্কক লৈ দিল্লী আৰু মুম্বাইতো প্ৰতিবাদ আৰম্ভ হৈছে। মুম্বাইত, সমাজবাদী পাৰ্টিয়ে মুছলমান শিক্ষাৰ্থীসকলৰ সমৰ্থনত স্বাক্ষৰ অভিযান চলাই আছে।
সমগ্ৰ বিতৰ্কটো এই বছৰৰ জানুৱাৰীত কৰ্ণাটকৰ উদুপীৰ এখন চৰকাৰী মহাবিদ্যালয়ত আৰম্ভ হৈছিল, যেতিয়া ছয়গৰাকী ছোৱালীক হিজাব পিন্ধাৰ বাবে চৌহদ এৰি যাবলৈ কোৱা হৈছিল।
মঙলবাৰে, প্ৰতিবাদবোৰে এক হিংসাত্মক ৰূপ লয়। ইতিমধ্যে এই বিতৰ্ক ৰাজ্যৰ আন প্ৰান্তলৈও বিয়পি পৰিছে।
