Katrina Kaif বলীউদৰ মোহময়ী অভিনেত্ৰী কেটৰিনা কাঈফৰ বিয়া ।
বয়ফ্ৰেইণ্ড ভিকি কৌশলৰ সৈতে বিবাহপাশত আৱদ্ধ হ’ব কেটৰিনা।
শেহতীয়াকৈ শুনা গৈছে যে অহা ডিচেম্বৰতেই ভিকি কৌশল আৰু কেটৰিনা কাঈফৰ বিয়া হ’বলৈ গৈছে।
বাগৰি অহা খবৰ অনুসৰি ৭-১২ ডিচেম্বৰলৈ চলিব কেটৰিনা-ভিকিৰ বিবাহৰ নানান অনুষ্ঠান।
যি অনুষ্ঠানলৈ আমন্ত্ৰণ জনোৱা হ’ব দেশৰ জনপ্ৰিয় চিত্ৰ তাৰকাসকলৰ লগতে নামী-দামী উদ্যোগপতি আৰু অন্যান্য বহু লোকক।
ৰাজস্থানৰ জয়পুৰৰ ছিক্স ছেন্স ফ’ৰ্ট বাওৰাৰ বিলাসী ৰিজ’ৰ্টতেই এই যুগলৰ বিবাহৰ অনুষ্ঠান অনুষ্ঠিত হ’ব।
জানিব পৰা মতে কেটৰিনা-ভিকিৰ বিবাহ অনুষ্ঠানলৈ আমন্ত্ৰিতসকলে তেওঁলোকৰ লগত মোবাইল ফোন নিব নোৱাৰিব।
মোবাইল ফোনেৰে বিবাহ অনুষ্ঠানৰ বিভিন্ন দৃশ্য বন্দী কৰি সেয়া ছ’চিয়েল মিডিয়াত ভাইৰেল কৰিব বুলি ধাৰণা কৰিয়েই এনে ব্যৱস্থা হাতত হোৱা হৈছে বুলি কেটৰিনা-ভিকিৰ ঘনিষ্ঠ সূত্ৰই প্ৰকাশ কৰিছে।
সূত্ৰটোৱে প্ৰকাশ কৰা মতে কেটৰিনা-ভিকিয়ে তেওঁলোকৰ বিবাহ অনুষ্ঠানটোৰ ক্ষেত্ৰত কিছু ব্যক্তিগত গোপনীয়তা ৰক্ষা কৰি চলিব বিচাৰিছে।
তদুপৰি সুৰক্ষাজনিত কাৰণতো তেওঁলোকে বিবাহ অনুষ্ঠানত মোবাইল ফোন নিয়াটো নিষিদ্ধ কৰিব বিচাৰিছে।
ইতিমধ্যে কেটৰিনা-ভিকিৰ ১০ জনীয়া দল এটাই ৰাজস্থানৰ জয়পুৰৰ ছিক্স ছেন্স ফ’ৰ্ট বাওৰাৰ বিলাসী ৰিজ’ৰ্টত গৈ উপস্থিত হৈছে আৰু অনুষ্ঠানৰ প্ৰস্তুতিৰ তদাৰক কৰিছে।
ইপিনে, বিয়াৰ আগে আগে চলমান খানৰ সৈতে নিজৰ আহিবলগীয়া ছবি ‘টাইগাৰ থ্ৰী’ক লৈ ভীষণ ব্যস্ত হৈ পৰিছে কেটৰিনা।
সূত্ৰসমূহৰ মতে, বিয়াৰ পাছতে নিজৰ নাম সলনি কৰিব পাৰে কেটৰিনা কাঈফে।
আহিবলগীয়া ছবি টাইগাৰ থ্ৰী’ৰ প্ৰমোচন, ছবিখনৰ মুক্তিৰ পূৰ্বেই যদি অভিনেত্ৰীগৰাকী বিবাহপাশত আৱদ্ধ হয়, তেতিয়াহ’লে ছবিৰ প্ৰমোচন, ট্ৰেলাৰৰ পৰা আৰম্ভ কৰি সকলোতেই নিজৰ নাম সলনি কৰি কেটৰিনা কাঈফ কৌশল ৰাখিব পাৰে অভিনেত্ৰীগৰাকীয়ে।
বাতৰি অনুসৰি, কেটৰিনা-ভিকিৰ বিয়াত বলীউদৰ বহু অভিনেতা উপস্থিত নথকাৰ সম্ভাৱনা আছে।
ইয়াৰ ভিতৰত পূৰ্বতে কেটৰিনাৰ সৈতে ৰোমান্টিক সম্পৰ্কত জড়িত হৈ পৰা বা নাম জড়িত হৈ পৰা কেইবাগৰাকীও চেলিব্ৰেটি এই বিয়াত উপস্থিত নাথাকিব পাৰে।
কেটৰিনা-ভিকিৰ বিয়া খনকলৈ দেশৰ সংবাদ মাধ্যমকে ধৰি অন্যান্য বহু ক্ষেত্ৰৰ লোকৰ মাজত চৰ্চা চলি আছে যদিও এই বিষয়ত ৰাজহুৱাকৈ কোনো মন্তব্য কৰা নাই অভিনেত্ৰীগৰাকীয়ে।