মঙলবাৰে আবেলি নিজৰ হেৰুৱা গৰু বিচাৰিবলৈ গৈ নগালোকৰ লগত হোৱা বাদ-বিবাদৰ পৰিণতিত মেৰাপানীৰ যুৱক বাবু গগৈক নগালোকে ধৰি লৈ যায়।
খবৰ অনুসৰি মঙলবাৰে সীমান্ত অঞ্চলত নগালোকৰ সৈতে হোৱা বাদ-বিবাদৰ পিছত তাত উপস্থিত থকা নগালোক সকলে নাগালেণ্ডৰ ভাণ্ডাৰী আৰক্ষী মাতি আনি মাৰপিট কৰি বলপূৰ্বক গাড়ীত উঠাই অজ্ঞাত স্থানলৈ লৈ গৈছিল বাবু গগৈক।
ইয়াৰ পাছতে এই খবৰে সংবাদ মাধ্যমৰ দ্বাৰা সমগ্ৰ অসমতে জোকাৰণিৰ সৃষ্টি কৰাৰ পিছতেই স্থানীয় ৰাইজ, চি আৰ পি এফ আৰু মেৰাপানী আৰক্ষীয়ে নগা আৰক্ষীক যুৱকজনক উদ্ধাৰৰ বাবে তীব্ৰ হেঁচা প্ৰয়োগ কৰাত যুৱক জনক মেৰাপানীস্থিত চি আৰ পি এফৰ শিৱিৰত গতাই দিয়ে নাগালেণ্ড আৰক্ষীয়ে।
উল্লেখ্য যে বাবু গগৈক নগা আৰক্ষীয়ে মাৰপিট কৰি দুৰ্ব্যৱহাৰ কৰাৰ লগতে তেওঁলোকে বসবাস কৰি থকা মাটিখিনি নাগালেণ্ডৰ বুলিহে দাবী কৰে।
অৱশেষত বাবু গগৈক উদ্ধাৰৰ পিছত স্বস্তিৰ নিশ্বাস পেলাইছে স্থানীয় ৰাইজ তথা বাবু গগৈৰ পৰিয়ালৰ লোকে।
লগতে পঢ়কঃ পৰেশ বৰুৱাই অসমলৈ আহি এসপ্তাহ থাকি যাওঁক – হিমন্ত বিশ্ব শৰ্মা
লগতে পঢ়কঃ জানেনে ? ৰাতিপুৱা যৌন সম্ভোগত লিপ্ত হোৱাৰো আছে আচৰিত স্বাস্থ্য উপকাৰিতা
