বৰ্তমান ব্যস্ত জীৱনত সুস্থ হৈ থকাটো কঠিন। সময়ৰ অভাৱত বহুতে জীৱনশৈলীৰ ওপৰত গুৰুত্ব দিব নোৱাৰে।
বিশেষজ্ঞসকলৰ মতে সুস্থ হৈ থকাৰ বাবে নিয়মীয়াকৈ খোজ কঢ়াটো অতি প্ৰয়োজনীয়। প্ৰতিদিনে কমেও ১০ হাজাৰ খোজ খোজ কাঢ়িব লাগে। ই শৰীৰক সুস্থ কৰি ৰাখে। কিন্তু, বয়স অনুসৰি কিমান মিনিট খোজ কাঢ়িব লাগে জানেনে? এই বিষয়ে সৱিশেষ জানি লওক।
বয়স অনুসৰি খোজ কঢ়াৰ সময়: ১৮ৰ পৰা ৩০ বছৰ বয়সৰ বাবে
যদি আপুনি আপোনাৰ শৰীৰটো সুস্থ কৰি ৰাখিব বিচাৰে আৰু আপোনাৰ বয়স ১৮ৰ পৰা ৩০ বছৰৰ ভিতৰত, তেন্তে প্ৰতিদিনে কমেও ৩০ৰ পৰা ৬০ মিনিট খোজ কাঢ়িব লাগে। কাৰণ এই বয়সতেই ওজনৰ বহু পৰিৱৰ্তন ঘটে। ৩০ৰ পৰা ৬০ মিনিট খোজ কাঢ়িলে আপোনাৰ বাবে ভাল। নিয়মিত খোজ কঢ়াৰ ফলত ওজন নিয়ন্ত্ৰণ সহজ হয়। লগতে মানসিক চাপ কমি যাব আৰু বহুতো গুৰুতৰ ৰোগ প্ৰতিৰোধ হব।
বয়স অনুসৰি খোজ কঢ়াৰ সময়: ৩১ৰ পৰা ৫০ বছৰ বয়সৰ বাবে
যদি আপুনি ৩১ৰ পৰা ৫০ বছৰৰ ভিতৰত হয় তেন্তে প্ৰতিদিনে কমেও ৩০ৰ পৰা ৪৫ মিনিট খোজ কাঢ়িব লাগে। নিয়মীয়াকৈ খোজ কঢ়াৰ ফলত বহুতো গুৰুতৰ ৰোগৰ সম্ভাৱনা কমি যায়।
বয়স অনুসৰি খোজ কঢ়াৰ সময়: ৫১ৰ পৰা ৬৫ বছৰ বয়সৰ বাবে
বয়স বঢ়াৰ লগে লগে শৰীৰটো সুস্থ কৰি ৰখাটো কঠিন হৈ পৰে। বিশেষকৈ ৫১ৰ পৰা ৬৫ বছৰ বয়সৰ লোকৰ ৰোগ প্ৰতিৰোধ ক্ষমতা দুৰ্বল হোৱাৰ ফলত ৰোগৰ সম্ভাৱনা বৃদ্ধি পায়। হাড়বোৰ দুৰ্বল হ’বলৈ আৰম্ভ কৰে। গতিকে এই বয়সৰ লোকসকলে প্ৰতিদিনে প্ৰায় ৩০ৰ পৰা ৪০ মিনিট খোজ কাঢ়িব লাগে।
বয়স অনুসৰি খোজ কঢ়াৰ সময়: ৬৬ৰ পৰা ৭৫ বছৰ বয়সৰ বাবে
সাধাৰণতে এই বয়সৰ লোকসকল কিছু সমস্যাৰ সন্মুখীন হয়। তেওঁলোকৰ বাবে অধিক খোজ কঢ়াটো কঠিন। গতিকে ৬৬ৰ পৰা ৭৫ বছৰীয়া লোকৰ বাবে ২০ৰ পৰা ৩০ মিনিট খোজ কাঢ়িলেই যথেষ্ট। ই বহুতো ভয়াৱহ ৰোগ প্ৰতিৰোধ কৰে।
বয়স অনুসৰি খোজ কঢ়াৰ সময়: ৭৫ বছৰ আৰু তাতকৈ অধিক বয়সৰ লোকৰ বাবে
যদি আপুনি ৭৫ বছৰ বা তাতকৈ অধিক বয়সৰ হয় তেন্তে ১৫ৰ পৰা ২০ মিনিট খোজ কাঢ়িলেই যথেষ্ট। এই বয়সৰ লোকে কমেও ১৫ মিনিট খোজ কাঢ়িব লাগে। ই আপোনাৰ মানসিক অৱস্থা আৰু জীৱনৰ মান উন্নত কৰিব।
বিশেষ দ্ৰষ্টব্য: বিশেষজ্ঞসকলৰ মতে নিয়মীয়াকৈ খোজ কঢ়াটো স্বাস্থ্যৰ বাবে অতি উপকাৰী। খোজ কঢ়াই ওজন নিয়ন্ত্ৰণত ৰাখে, মানসিক চাপ কমায়, হাড় আৰু পেশী শক্তিশালী কৰে। প্ৰতিদিনে খোজ কাঢ়িলে বহু ৰোগৰ পৰা হাত সাৰিব পাৰি। অফিচলৈ যাওঁতে লিফটৰ সলনি চিৰি ব্যৱহাৰ কৰক। মাজে মাজে অফিচৰ ভিতৰতে ঘূৰাফিৰা কৰক। এইদৰে আপুনি আপোনাৰ দৈনন্দিন খোজ কঢ়াৰ লক্ষ্য পূৰণ কৰিব পাৰে।
