‘মা, মোৰ এই খাদ্য ভাল নালাগে‘..’এইটো ভাল নহয়‘.. ‘ভাইটিয়ে মাৰিছে‘.. আপোনাৰ ল‘ৰা-ছোৱালীয়ে এনেকুৱা অভিযোগ কৰে নেকি? হয়, তেন্তে খং নকৰিব। আপোনাৰ খঙে তেওঁলোকৰ ভৱিষ্যতৰ ক্ষতি কৰিব পাৰে।
যদি আপোনাৰ সন্তানে বাৰে বাৰে অভিযোগ কৰে, তেন্তে খং উঠাৰ পৰিৱৰ্তে কাৰণটো বুজিবলৈ চেষ্টা কৰক।
শিশুটিৰ অভিযোগৰ কাৰণসমূহঃ
মনোযোগ আকৰ্ষণ:
বহু সময়ত শিশুৰ অভিযোগ মনোযোগ আকৰ্ষণ কৰাৰ এক উপায়। তেওঁলোকে বিচাৰে তেওঁলোকৰ পিতৃ-মাতৃ, বন্ধু-বান্ধৱী, শিক্ষক সকলোৱে তেওঁৰ কথা শুনি তেওঁৰ সমস্যা সমাধান কৰক।
খেলত সৰু সৰু কাজিয়া:
খেলৰ সময়ত কাজিয়া কৰাটো স্বাভাৱিক। ইয়াৰ পৰা তেওঁলোকে বহুত শিকে। সেয়ে ইয়াকে লৈ যদি অভিযোগ কৰে তেন্তে ইয়াক বেছি গুৰুত্বসহকাৰে নাচাব। সমাধানৰ চেষ্টা কৰক।
অসন্তুষ্টি:
কেতিয়াবা শিশুৰ মনত অসন্তুষ্টিৰ সৃষ্টি হয়। ফলত তেওঁলোকে বাৰে বাৰে অভিযোগ কৰে। সেয়ে তেওঁলোকে কি বিষয়ত অসন্তুষ্ট সেই কথা বুজিবলৈ চেষ্টা কৰক।
বুজিবলৈ চেষ্টা কৰক:
যদি শিশুটিয়ে বাৰে বাৰে অভিযোগ কৰে তেন্তে কোনো সমস্যা হৈছে নেকি বুজিবলৈ চেষ্টা কৰক। তেতিয়া তেওঁলোকে নিজৰ অভ্যাস সলনি কৰিব।
আত্ম-উন্নতি:
পিতৃ-মাতৃ ব্যস্ত থাকিলে শিশুৱে অভিযোগ কৰিব পাৰে। তেতিয়া খং নকৰিব। সন্তানৰ সন্মুখত কাৰো সম্পৰ্কে অভিযোগ নকৰিব। আপোনাৰ আচৰণ সলনি কৰক।
মনত ৰাখিব:
সাধাৰণতে ৭ বছৰ বয়সলৈকে শিশুৱে পিতৃ-মাতৃৰ পৰা বহু কথা শিকে। সেয়ে, এই বয়সত শিশুটিৰ কথা শুনক, কাকো আঘাত নিদিয়াকৈ সমাধান কৰক। বহু সময়ত পিতৃ-মাতৃয়ে সন্তানৰ কামৰ বাবে দোষাৰোপ কৰে। এইটো ভুল। সন্তানৰ লগত ভাল ব্যৱহাৰ কৰক।
