বন্ধুত্ব জীৱনৰ আটাইতকৈ সুন্দৰ সম্পৰ্ক। কিন্তু কেতিয়াবা এই সম্পৰ্ক বিষাক্ত হৈ পৰে, তেনে ক্ষেত্ৰত ইয়াক চিনাক্ত কৰাটো অতি প্ৰয়োজনীয়। প্ৰশ্নটো হ’ল, আপোনাৰ কোনো বন্ধু আপোনাৰ বাবে বিষাক্ত নেকি সেয়া আপুনি কেনেকৈ জানিব? প্ৰখ্যাত মনোৰোগ বিশেষজ্ঞ মাৰিছা জি ফ্ৰাংকোৱে সংবাদ মাধ্যমৰ আগত দিয়া সাক্ষাতকাৰত জনাইছিল যে কিছুমান বিশেষ বাক্যাংশ আছে যিয়ে বিষাক্ত বন্ধুক চিনাক্ত কৰে।
যদি আপোনাৰ কোনো বন্ধুৱে এইবোৰ কথা সঘনাই কয়, তেন্তে তেওঁ আপোনাৰ মানসিক শক্তি শেষ কৰি পেলোৱাৰ সম্ভাৱনা থাকে আৰু আপোনাৰ বাবে ক্ষতিকাৰক।
যি ৮টা বাক্যাংশ বিষাক্ত বন্ধুৱে আপোনাক কয়-
১. তুমি খুব সংবেদনশীল – বন্ধুসকলে যেতিয়া আপোনাৰ অনুভৱক সহজভাৱে লয় তেতিয়া ইয়াক আপোনাৰ দুৰ্বলতা বুলি কোৱা হয়।
২. এইটোতো মজা কৰিছিলো– আপোনাৰ ওপৰত কৰা ঠাট্টাক ন্যায্যতা প্ৰদান কৰিবলৈ ইয়াক সহজভাৱে লোৱা।
৩. মোৰ দৰে বন্ধু পোৱাটো তোমাৰ ভাগ্য- এনেদৰে কৈ বন্ধুৱে নিজকে আপোনাতকৈ ভাল বুলি প্ৰমাণ কৰিবলৈ চেষ্টা কৰে।
৪. তুমি মোৰ ওচৰত ঋণী- যেতিয়া কোনো বন্ধুৱে উপকাৰ কৰাৰ কথা কয় আৰু আপোনাৰ মনত অপৰাধবোধ আনি দিয়ে।
৫. তুমি আগতে ভাল আছিলা– এইটো আপোনাৰ পৰিৱৰ্তনক নেতিবাচকভাৱে দেখুওৱাৰ প্ৰয়াস কৰে।
৬. তোমাৰ পদোন্নতি কেনেকৈ হ‘ল?- আপোনাৰ কঠোৰ পৰিশ্ৰমক তুচ্ছজ্ঞান কৰি আপোনাৰ সফলতাক লৈ প্ৰশ্ন উত্থাপন কৰা।
৭. মোৰ বেয়া লাগিছে যে তুমি এনে অনুভৱ কৰিছা– ক্ষমা বিচৰাৰ সলনি নিজৰ ভুলক নায্যতা দিয়া।
৮. একো নাই- যেতিয়া বন্ধুৱে আপোনাৰ পৰা দূৰত্ব সৃষ্টি কৰে আৰু অকাৰণতে কথা বন্ধ কৰি দিয়ে।
কেৱল এই বাক্যবোৰৰ ওপৰত ভিত্তি কৰিয়েই বন্ধুক বিষাক্ত বুলি গণ্য কৰা উচিত নে?
ডাঃ ড. ফ্ৰাংকোৱে কয় যে কেৱল এই কথাবোৰৰ ভিত্তিতে কব নোৱাৰি যে সম্পৰ্কটো বিষাক্ত। কিন্তু ইয়াৰ দিশবোৰ বুজি পোৱাটো গুৰুত্বপূৰ্ণ। নিজকে সুধিব লাগিব। তেনেকৈ কথা পতা বন্ধুসকল, আপোনাৰ প্ৰয়োজনৰ সময়ত সদায় আপোনাৰ কাষত থাকেনে? তেওঁলোকে আপোনাৰ কথা চিন্তা কৰেনে? তেওঁলোকে আপোনাৰ ইতিবাচক দিশবোৰৰ শলাগ লয়নে? যদি নহয়, তেন্তে এই বাক্যবোৰ বিষাক্ত বন্ধুৰ লক্ষণ।
জীৱনত বন্ধু অতি গুৰুত্বপূৰ্ণ, কিন্তু বিষাক্ত বন্ধুৰ পৰা দূৰত্ব বজাই ৰখাটোও সমানেই গুৰুত্বপূৰ্ণ। নিজৰ মানসিক আৰু আৱেগিক স্বাস্থ্যক অগ্ৰাধিকাৰ দিয়ক আৰু জীৱনত ইতিবাচক দৃষ্টিভংগী বজাই ৰাখক।
