শৰীৰটো সুস্থ কৰি ৰখাত খোজ কঢ়াই গুৰুত্বপূৰ্ণ ভূমিকা পালন কৰে। যিকোনো ৰোগত আক্ৰান্ত লোকে খোজ কাঢ়িব পাৰে। ইয়াৰ কোনো ব্যতিক্ৰম নাই। হৃদৰোগী, ডায়েবেটিছ ৰোগী, উচ্চ ৰক্তচাপ ৰোগী সকলোৱে খোজ কাঢ়িব পাৰে। খোজকাঢ়িলে এই ৰোগবোৰৰ নেতিবাচক প্ৰভাৱ কমি যায়। ইয়াৰ উপৰিও ওজন কমাব বিচাৰিলেও খোজ কাঢ়িব পাৰে।
শীতকালত উঠি খোজ কাঢ়িবলৈ কষ্টকৰ। কিছুমান মানুহৰ শৰীৰৰ বাবে ঠাণ্ডা উপযোগী নহয়। গতিকে শীতকালত সন্ধিয়া খোজ কাঢ়িব পাৰি। সন্ধিয়া খোজ কঢ়াটো বেয়া নহয়। ৰাতিপুৱা বা সন্ধিয়া দুয়োটা সময়তে খোজ কাঢ়িব পাৰি। দুয়োটাই ভাল ফলাফল দিব।
এতিয়া খোৱাৰ পিছত খোজ কঢ়াৰ অভ্যাস মানুহৰ মাজত বাঢ়িছে। ৰাতি খাদ্য খোৱাৰ পিছত ১৫ মিনিট খোজ কাঢ়িলে হজম শক্তিত সহায় হয়। ৰাতি ভালকৈ টোপনি আহে।
শীতকালত সন্ধিয়া খোজ কাঢ়িব পাৰিনে?
শীতকালত ৰাতিপুৱা অতি ঠাণ্ডা হ’ব যাৰ বাবে খোজ কঢ়াত অসুবিধা হ’ব। সন্ধিয়াও ঠাণ্ডা বতাহ বলিব পাৰে। বয়সস্থ লোকৰ বাবে সন্ধিয়া খোজকাঢ়িবল যোৱাটো উপযোগী নহ’বও পাৰে। কেৱল সেয়াই নহয়, শীতকালৰ অৰ্থ হ’ল ৰাতিপুৱা আৰু গধূলি দুয়োটাতে কুঁৱলী থাকিব। এই ধৰণৰ কুঁৱলীত খোজ কাঢ়িলে আপোনাৰ উশাহ-নিশাহৰ সমস্যা হ’ব পাৰে। সন্ধিয়া নিয়মীয়াকৈ খোজ কাঢ়িলে চৰ্দি, কাহৰ দৰে সমস্যা হ’ব পাৰে।
অত্যন্ত ঠাণ্ডাত খোজ কঢ়াৰ ফলতো মূৰৰ বিষ হ’ব পাৰে। এই কথা একাংশই কোৱা শুনা যায়। শাৰীৰিক অৱস্থা ভাল হ’লে সন্ধিয়া খোজ কাঢ়িব পাৰে। কিন্তু চাইনাছ, চৰ্দি বা ৰোগ প্ৰতিৰোধ ক্ষমতা কম হ’লে শীতকালত ৰাতিপুৱা বা গধূলি খোজ কঢ়াটো ভাল নহয়।
শীতকালত খোজ কঢ়াৰ আগতে কি কৰিব লাগে?
ব্যায়াম শৰীৰৰ বাবে ভাল, গতিকে ঠাণ্ডাৰ অজুহাতত ইয়াক এৰি নিদিব। শীতকালত খোজ কঢ়াৰ আগতে কিছুমান কথা মানি চলিলে নেতিবাচক প্ৰভাৱৰ পৰা হাত সাৰিব পাৰি। মুকলি ঠাইত খোজ কঢ়াৰ পৰা বিৰত থাকক। ইয়াৰ লগত কুঁৱলীৰ প্ৰত্যক্ষ সংস্পৰ্শ জড়িত হ’ব পাৰে।
আন বতৰৰ দৰে শীতকালত দীঘলীয়াকৈ খোজ কঢ়াৰ প্ৰয়োজন নাই। সন্ধিয়া কমেও ১৫ৰ পৰা ২০ মিনিট খোজ কাঢ়িলেই যথেষ্ট। খোজ কঢ়াৰ সময়ত চুৱেটাৰৰ দৰে কাপোৰেৰে শৰীৰ ঢাকি ৰাখক। উলৰ মোজা, জোতা, গ্ল’ভছ পিন্ধি খোজ কাঢ়িলে শৰীৰটো গৰম হৈ থাকিব। ই আপোনাক ঠাণ্ডাৰ সমস্যাৰ পৰা ৰক্ষা কৰিব।
সন্ধিয়া খোজকঢ়াৰ সুবিধাসমূহ:
– সন্ধিয়া খোজ কাঢ়িলে ৰক্ত সঞ্চালন উন্নত হয়। শৰীৰ সক্ৰিয় কৰি ৰখাত সহায় কৰে।
– ওজন কমোৱাত সহায় কৰে।
– ৰক্তচাপ, ৰক্তশৰ্কৰাৰ মাত্ৰা নিয়ন্ত্ৰণ কৰে।
– ৰাতি ভালকৈ টোপনি হয়।
– মানসিক চাপ কমায় আৰু পাতল অনুভৱ আনি দিয়ে।
– হৃদৰোগৰ সম্ভাৱনা হ্ৰাস কৰে।
ঘৰতে খোজ কাঢ়ক:
শীতকালত বাহিৰত খোজ কাঢ়িব নোৱাৰিলে ঘৰৰ ভিতৰতো খোজ কাঢ়িব পাৰি। ঘৰত যদি পৰ্যাপ্ত ঠাই থাকে তেন্তে কাৰ্পেটৰ ওপৰত খোজ কাঢ়িলে দ্ৰুত লাভ হ’ব। ওজন কমাবলৈ চেষ্টা কৰিলে ভাল ফলাফল পোৱা যাব। ঘৰৰ চাদত বা বেলকনিত খোজ কাঢ়িলে ঠাণ্ডাৰ পৰা ৰক্ষা পাব।
