অসম আন্দোলনৰ হোতা, বিশিষ্ট সমাজকৰ্মী, সাংস্কৃতিক জগতৰ সৈতে ওতপ্ৰোতভাৱে জৰিত কুমুদ প্ৰসাদ শৰ্মাৰ বৃহস্পতিবাৰে নিশা পৰলোকপ্ৰাপ্তি ঘটিছে।
অসম আন্দোলনৰ অক্লান্ত কৰ্মী শৰ্মাই ভ্ৰাম্যমাণ নাট্যগোষ্ঠী ষ্টাৰ থিয়েটাৰো প্ৰতিষ্ঠা কৰিছিল।
তেখেতৰ বিয়োগত মুখ্য মন্ত্ৰী সৰ্বানন্দ সোণোৱালে গভীৰ শোক প্ৰকাশ কৰাৰ লগতে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিছে।
মুখ্য মন্ত্ৰী সোণোৱালে প্ৰয়াত শৰ্মাৰ সহধৰ্মিনীৰ সৈতে টেলিফোনযোগে বাৰ্তালাপ কৰি সমবেদনা জ্ঞাপন কৰে।
মুখ্য মন্ত্ৰীৰ নিৰ্দেশত আইন উপদেষ্টা শান্তনু ভৰালীয়ে প্ৰয়াত শৰ্মাৰ বাসভৱনলৈ গৈ তেওঁলৈ শেষ শ্ৰদ্ধা নিবেদন কৰে।
সদৌ অসম ছাত্ৰ সন্থাৰ মুখ্য উপদেষ্টা সমুজ্জ্বল কুমাৰ ভট্টাচাৰ্য্যই শোকসন্তপ্ত পৰিয়ালক সমবেদনা জনাই কয় যে তেখেতৰ মৃত্যুত অসমে এজন প্ৰকৃত দেশপ্ৰেমিক হেৰুৱালে।
ঐতিহাসিক অসম আন্দোলনৰ এজন অন্যতম হোতা,এসময়ৰ প্ৰসিদ্ধ ভ্ৰাম্যমাণ গোষ্ঠী ষ্টাৰ থিয়েটাৰৰ প্ৰতিষ্ঠাপক কুমুদ প্ৰসাদ শৰ্মাৰ(মামা) যোৱা নিশা পৰলোকপ্ৰাপ্তি ঘটে।তেখেতৰ মৃত্যুত অসমে এজন প্ৰকৃত দেশপ্ৰেমিক হেৰুৱালে।শোকসন্তপ্ত পৰিয়ালক সমবেদনা জনালো। স্বৰ্গগত আত্মাৰ চিৰশান্তি কামনা কৰিলো। pic.twitter.com/zA0BuDDJd8
— Dr. Samujjal Bhattacharjya (@SamujjalBhatta) August 21, 2020
“ঐতিহাসিক অসম আন্দোলনৰ এজন অন্যতম হোতা, এসময়ৰ প্ৰসিদ্ধ ভ্ৰাম্যমাণ গোষ্ঠী ষ্টাৰ থিয়েটাৰৰ প্ৰতিষ্ঠাপক কুমুদ প্ৰসাদ শৰ্মাৰ(মামা) যোৱা নিশা পৰলোকপ্ৰাপ্তি ঘটে।তেখেতৰ মৃত্যুত অসমে এজন প্ৰকৃত দেশপ্ৰেমিক হেৰুৱালে।শোকসন্তপ্ত পৰিয়ালক সমবেদনা জনালো। স্বৰ্গগত আত্মাৰ চিৰশান্তি কামনা কৰিলো,” শৰ্মাৰ বিয়োগত শোক প্ৰকাশ কৰি ভট্টাচাৰ্য্যৰ টুইট।