ন্যায়াধীশৰ অভাৱৰ বাবে অমীমাংসিত বহু সংখ্যক গোচৰ: দিল্লী উচ্চ ন্যায়ালয়

দিল্লী উচ্চ ন্যায়ালয়ে জনসংখ্যাৰ তুলনাত ন্যায়াধীশৰ অভাৱৰ বাবে বহু গোচৰৰ শুনানি নোহোৱাকৈ থকাৰ বাবে উদ্বেগ প্ৰকাশ কৰিছে। বিচাৰধীন গোচৰৰ সংখ্যা অধিখোৱাৰ বাবে নিৰ্দিষ্ট সময়ত আপীলৰ সিদ্ধান্ত ল’ব পৰা নাই বুলি মত প্ৰকাশ কৰিছে আদালতে। এনে পৰিস্থিতিত গোচৰ শুনানি নোহোৱাকৈ থকাটো ন্যায়াধীশৰ বাবে অত্যন্ত যন্ত্ৰণাদায়ক বুলি উল্লেখ কৰিছে।

এই পৰ্যবেক্ষণ কৰা হৈছে এজন প্ৰৱঞ্চনা আৰু জালিয়াতিৰ দোষী ব্যক্তিৰ আবেদনৰ শুনানিৰ সময়ত, যিয়ে কাজাখাস্তান আৰু জৰ্জিয়াৰ ৰটাৰী ক্লাবৰ সভাত অংশগ্ৰহণৰ বাবে বিদেশ ভ্ৰমণৰ অনুমতি বিচাৰিছিল। ন্যায়াধীশ গিৰীশ কাঠপালিয়াই কয়, গোচৰৰ সংখ্যা অধিক হোৱা বাবে আপীলৰ সিদ্ধান্তত পলম হয়, গতিকে ভ্ৰমণৰ অধিকাৰ অস্বীকাৰ কৰা উচিত নহয়। আদালতে ৫ লাখ টকাৰ বণ্ড আৰু জামিনত ১ৰ পৰা ১১ মে’লৈ ভ্ৰমণৰ অনুমতি প্ৰদান কৰে।

ন্যায়াধীশ কাঠপালিয়াই কয় যে ন্যায়াধীশৰ অভাৱৰ বাবে এনে গোচৰৰ শুনানি পলম হয়, কেতিয়াবা ৫ বজাৰ পিছতো শুনানি শেষ নহয়। এনে পৰিস্থিতিত আবেদনকাৰীৰ মুক্ত চলাচলৰ অধিকাৰ খৰ্ব কৰাটো ন্যায়সংগত নহ’ব।

২০১৯ত আবেদনকাৰীয়ে দাখিল কৰা আপীলৰ এতিয়াও শুনানিৰ অপেক্ষাত আছে। তেওঁৰ অধিবক্তাই দাবী কৰে যে ৬৭ বছৰীয়া ব্যক্তিজনে পূৰ্বেও বিদেশ ভ্ৰমণ কৰিছে আৰু পলায়নৰ সম্ভাৱনা নাই। চিবিআইয়ে আপত্তি জনালেও, আদালতে উপযুক্ত চৰ্তসাপেক্ষে ভ্ৰমণৰ অনুমতি প্ৰদান কৰিছে। ন্যায় ব্যৱস্থাত ন্যায়াধীশৰ অভাৱ ইয়াৰ পৰা সেই কথা স্পষ্ট হৈ পৰিছে।