জম্মু-কাশ্মীৰৰ হাৰৱান অঞ্চলত আজি নিৰাপত্তাৰক্ষীৰ সৈতে হোৱা দুটা পৃথক সংঘৰ্ষত লস্কৰ-ই-তৈবাৰ ৱাণ্টেড সন্ত্ৰাসবাদী চেলিম পাৰে সহ দুজন সন্ত্ৰাসবাদী নিহত হয়।
কাশ্মীৰ জ’নৰ মহাপৰিদৰ্শক বিজয় কুমাৰে কয়, “শ্ৰীনগৰ আৰক্ষীয়ে সন্ত্ৰাসবাদী সংগঠন লস্কৰ-ই-তৈবাৰ চেলিম পেৰেকে ধৰি দুজন দুৰ্ধৰ্ষ সন্ত্ৰাসবাদীক নিধন কৰিছে।”
এই সংঘৰ্ষৰ পাছতে কাষৰে গাচু গাঁৱত সন্ত্ৰাসবাদী আৰু নিৰাপত্তাৰক্ষীৰ মাজত আন এটা সংঘৰ্ষ সংঘটিত হয় বুলি আৰক্ষী বিষয়াসকলে জানিবলৈ দিয়ে।
#SrinagarEncounterUpdate: 01 #terrorist killed. #Incriminating materials including #arms & ammunition recovered. Search going on. Further details shall follow. @JmuKmrPolice https://t.co/PibnIqwJyg
— Kashmir Zone Police (@KashmirPolice) January 3, 2022
“বৰ্তমানলৈকে চলি থকা অভিযানত এজন অচিনাক্ত উগ্ৰপন্থী নিহত হৈছে।”- আন এটা টুইটত কাশ্মীৰ জ’ন পুলিচে উল্লেখ কৰে।
আৰক্ষী বিষয়াসকলে কয় যে মৃত সন্ত্ৰাসবাদীজনৰ পৰিচয় আৰু গোটৰ সম্পৰ্ক জানিব পৰা হোৱা নাই।
অভিযানত আৰক্ষীয়ে মাৰণাস্ত্ৰ আৰু গুলী-বাৰুদসহ কিছু আপত্তিজনক সামগ্ৰী উদ্ধাৰ কৰে বুলি জানিবলৈ দিয়ে।