জৰাজীৰ্ণ পথৰ বাবে জীয়াতু ভূগিছে ৰাইজে; কলিয়াবৰত পথৰ মাজতে ভুঁই ৰুই প্ৰতিবাদ ৰাইজৰ
ফটো: নৰ্থইষ্ট নাও।
চৰকাৰী অমনোযোগিতাৰ ফলত এটা জৰাজীৰ্ণ পথৰ বাবে যাতায়তৰ নামত জীয়াতু ভুগিব লগা হৈছে কলিয়াবৰৰ বৰঘূলিবাসী ৰাইজে।
পথটো মেৰামতি কৰি দিবৰ বাবে বিভাগক বহু বাৰ অৱগত কৰাই আহিছিল যদিও এতিয়ালৈকে কোনো সুফল লাভ কৰা নাই।
এই পথৰে দৈনিক কেইবা শতাধিক পথচাৰী অহা যোৱা কৰে।
এজাক বৰষুণ দিলেই এই পথচোৱা পানীৰে ভৰি পৰে। যাৰ ফলত পথ নে পুখুৰী ধৰিব নোৱা অৱস্থা হৈ পৰে।
বছৰ বছৰ ধৰি এইছোৱা পথৰ দুৰৱস্থাই তিক্ততা ভোগাই আহিছে অঞ্চলবাসীক।
উপায়ন্তৰ হৈ পথৰ মাজত ভুঁই ৰুই প্ৰতিবাদ সাব্যস্ত কৰে বৰঘুলিবাসী ৰাইজে।
এই প্ৰতিবাদৰ জৰিয়তে সংশ্লিষ্ট বিভাগক শীঘ্ৰেই পথটো মেৰামতি কৰাৰ দাবী জনাইছে অঞ্চলবাসীয়ে।