এজন মুছলমান সম্প্ৰদায়ৰ যুৱকে নিজকে প্ৰাঞ্জল বৰা বুলি ভুৱা পৰিচয় দি এগৰাকী হিন্দু ছোৱালীক পলুৱাই অনা কাৰ্য দেওবাৰে পোহৰলৈ অহাত সম্প্ৰতি গোৱালপাৰাৰ লগতে ৰাজ্যৰ অন্য প্ৰান্তত তীব্ৰ চাঞ্চল্যৰ সৃষ্টি হৈছে।
উল্লেখ্য যে গোৱালপাৰা জিলাৰ মৰনৈ আৰক্ষী থানাৰ অন্তৰ্গত টেঙাবাৰীৰ মেহবুব আলম নামৰ এজন যুৱকে নিজকে প্ৰাঞ্জল বৰা বুলি চিনাকী দি তিনিচুকীয়াৰ এগৰাকী যুৱতীৰ লগত প্ৰেমৰ সম্পৰ্ক গঢ়ি তুলিছিল। আৰু এদিন যুৱতী গৰাকীক গুৱাহাটীলৈ মাতি আনি যুৱকজনে বলপূৰ্বক গোৱালপাৰালৈ পলুৱাই লৈ আহে। আৰু ইয়াৰ পাছতে পোহৰলৈ আহে যুৱকজনৰ প্ৰকৃত পৰিচয়।
দীৰ্ঘ দিন ধৰি প্ৰাঞ্জল বৰা বুলি পৰিচয় দি প্ৰেম কৰি থকা যুৱকজন যে প্ৰকৃততে এজন হিন্দু ল’ৰা নহয় সেই কথা যুৱতী গৰাকীয়ে গোৱালপাৰাত উপস্থিত হৈ জানিব পৰাত লগে লগে পৰিয়ালল লোকক এই কথা অৱগত কৰে।
পৰিয়ালৰ লোকে তাৎক্ষণিকভাৱে গুৱাহাটীৰ মালিগাঁও আৰক্ষী থানাত উক্ত ঘটনা সম্পৰ্কত এজাহাৰ দাখিল কৰে। আৰু এই এজাহাৰৰ ভিত্তিত দেওবাৰে গোৱালপাৰাৰ মৰনৈ আৰক্ষীয়ে চলোৱা অভিযানত প্ৰৱঞ্চক প্ৰেমীক মেহবুব আলমৰ সৈতে যুৱতী গৰাকীক তিনকণীয়া পাৰাৰ এখন হাবিত আত্মগোপন কৰি থকা অৱস্থাত উদ্ধাৰ কৰিবলৈ সক্ষম হয়।
প্ৰৱঞ্চক প্ৰেমিক মেহবুব আলম সম্প্ৰতি ৰঙাঘৰৰ আলহী।
উল্লেখ্য যে আজিৰ পৰা কিছুদিন পূৰ্বে বাক্সাত হিন্দু সম্প্ৰদায়ৰ এগৰাকী কিশোৰীক এজন লম্পট চৰিত্ৰৰ মুছলমান যুৱকে নিজৰ প্ৰকৃত পৰিচয় লুকুৱাই প্ৰেমৰ নামত ধৰ্ষণ কৰা ঘটনাৰ চাঞ্চল্য মাৰ নৌযাওতেই দ্বিতীয়টো লাভ জেহাদৰ ঘটনা পোহৰলৈ অহাতো নিশ্চিতভাৱে সমাজৰ বাবে চিন্তনীয় বিষয় বুলি বিভিন্ন সচেতন লোকে মন্তব্য কৰিছে।
