ভূমিকম্পৰ ফলত জাপান কঁপি উঠাৰ পিছতে দেওবাৰে পাপুয়া নিউগিনিত ভূমিকম্পৰ জোকাৰণি অনুভুত হৈছে। ৰাতিপুৱা পাপুয়া নিউগিনিৰ নিউ ব্ৰিটেনত ৰিখটাৰ স্কেলত ৬.২ মাত্ৰাৰ ভূমিকম্প হৈছে।
আমেৰিকা যুক্তৰাষ্ট্ৰৰ ভূতাত্ত্বিক জৰীপে জনাইছে যে সম্পত্তিৰ ক্ষতিৰ কোনো খবৰ পোৱা হোৱা নাই। কোনো চুনামি সতৰ্কবাণীও জাৰি কৰা হোৱা নাই। উৎপত্তিস্থলত ভূমিকম্পৰ গভীৰতা আছিল ৩৮ কিলোমিটাৰ।
ভূমিকম্পটোৱে ইয়াৰ কেন্দ্ৰস্থলৰ পৰা প্ৰায় ৮০ কিলোমিটাৰ দূৰত থকা কিম্বে চহৰখনকো জোকাৰি গৈছিল। চহৰখনৰ ওচৰৰ ৱালিণ্ডি প্লেণ্টেচন ৰিজৰ্টৰ এগৰাকী কৰ্মচাৰী ভেনেছা হিউজে জনায় যে তেওঁ কম্পন অনুভৱ কৰিছিল।
ভেনেছাই কয় যে ভূমিকম্পৰ ফলত সকলোবোৰ কঁপি উঠিছিল। কিন্তু কোনেও তেনেদৰে প্ৰতিক্ৰিয়া প্ৰকাশ কৰা নাছিল। কোনো ক্ষতি হোৱা নাই।
No #tsunami threat to Australia from magnitude 6.2 #earthquake near New Britain Region, P.N.G.. Latest advice at https://t.co/Tynv3ZQpEq. pic.twitter.com/j1nKCltztA
— Bureau of Meteorology, Australia (@BOM_au) February 25, 2023
ইয়াৰ পূৰ্বে শনিবাৰে নিশা উত্তৰ জাপানৰ হোক্কাইডো অঞ্চলত ৰিখটাৰ স্কেলত ৬.১ প্ৰাবল্যৰ ভূমিকম্প হয়। আমেৰিকা যুক্তৰাষ্ট্ৰৰ ভূতাত্ত্বিক জৰীপ আৰু জাপানৰ বতৰ বিজ্ঞান বিভাগে জনাইছে যে ভূমিকম্পৰ পৰা ক্ষয়ক্ষতিৰ কোনো খবৰ পোৱা হোৱা নাই আৰু কোনো চুনামি সতৰ্কবাণী জাৰি কৰা হোৱা নাই।
❗️A magnitude 6.2 #earthquake has struck the #NewBritainprovince in Papua New Guinea this morning
There are no reports of serious damage or injuries, and The Bureau of Meteorology has confirmed there is no tsunami threat to Australia.
29.2km (18.1 mi) east northeast of Kandrian… https://t.co/WdyRYFkoD7 pic.twitter.com/0Q5AF2XPUD
— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇯🇵🇩🇪🇸🇪 (@TreasChest) February 26, 2023
আনহাতে, বৃহস্পতিবাৰে নিশা উত্তৰ ইণ্ডোনেছিয়াৰ হালমাহেৰা দ্বীপত ৰিখটাৰ স্কেলত ৬.৩ মাত্ৰাৰ ভূমিকম্প হৈছিল। একেদিনাই পূব তাজিকিস্তানত ৰিখটাৰ স্কেলত ৬.৮ মাত্ৰাৰ ভূমিকম্প হৈছিল। স্থানীয় সময় অনুসৰি পুৱা ৫:৩৭ বজাত তাজিকিস্তানত ভূমিকম্পটো সংঘটিত হয়। উৎপত্তিস্থলত ভূমিকম্পৰ গভীৰতা আছিল ২০.৫ কিলোমিটাৰ।
ইয়াৰ পূৰ্বে ৬ ফেব্ৰুৱাৰীত তুৰস্ক আৰু চিৰিয়াৰ মাজৰ সীমান্ত অঞ্চলত এক শক্তিশালী ভূমিকম্প হৈছিল। এই ভূমিকম্পত এতিয়ালৈকে মৃত্যুৰ সংখ্যা ৫০ হাজাৰ অতিক্ৰম কৰিছে।
