মণিপুৰত কুকিৰ মাজত হোৱা কাজিয়াত চাৰিজন লোক নিহত হয়। ইয়াৰ ভিতৰত আছে তিনিজন কুকি-জো গাঁওৰক্ষী আৰু এজন ইউ কে এল এফৰ উগ্ৰপন্থী। শুকুৰবাৰে পুৱা মালনৌ পল্লেল আৰু মালনোম অঞ্চলত উগ্ৰপন্থী আৰু গাঁওৰক্ষীৰ মাজত সংঘৰ্ষৰ সৃষ্টি হয়। এটা সময়ত দুয়োপক্ষই গুলীচালনা কৰে। তিনিজন গাঁওৰক্ষীৰ মৃত্যুৰ পিছত পাল্লেলে গাঁওবাসীয়ে ইউ কে এল এফৰ নেতা এছ এছ হাউপৰ ঘৰত জুই লগাই দিয়ে। বৃহৎ সংখ্যক সেনা আৰু অৰ্ধসামৰিক বাহিনীক এই অঞ্চললৈ প্ৰেৰণ কৰা হৈছে।
মণিপুৰৰ কাংপকপিত কাকত এজেন্সীৰ বাতৰি কাকতৰ কাগজ কঢ়িয়াই নিয়া এখন বাতৰি কাকতৰ ট্ৰাক কুকি উগ্ৰপন্থীয়ে ৰখাই কেইবাখনো বাতৰি কাকতৰ ৰিম জ্বলাই দিয়ে। আজি ৰাজ্যৰ সকলো সাংবাদিক সংগঠনে প্ৰতিবাদত যোগদান কৰে। কোনো নিউজ চেনেলত কোনো খবৰ প্ৰচাৰ হোৱা নাছিল।
প্ৰেছ ক্লাবৰ সন্মুখত সাংবাদিক সংগঠনসমূহে প্ৰতিবাদ সাব্যস্ত কৰি এই ঘটনাৰ বাবে ৰাজ্যৰ ডিজিপি, নিৰাপত্তা উপদেষ্টা আৰু অসম ৰাইফলছক জগৰীয়া কৰে। ইম্ফল-ডিমাপুৰ পথৰ নিৰাপত্তা সেনাবাহিনীক গতাই দিবলৈ দাবী উত্থাপন কৰা হয়। বিধানসভাৰ নিৰ্দলীয় বিধায়ক সাপম নিশিকান্তই দাবী কৰে যে অসম ৰাইফলছে নিজৰ কৰ্তব্য সঠিকভাৱে পালন কৰিলে এই ঘটনা সংঘটিত নহ’লহেঁতেন।
ইফালে, বৃহস্পতিবাৰে বিয়লি চুৰাচান্দপুৰৰ কাংভাই অঞ্চলৰ পৰা কুকিসকলে দীৰ্ঘদিন ধৰি মেইটেই অঞ্চলক লক্ষ্য কৰি গুলীচালনা কৰে। আৰক্ষী আৰু অৰ্ধসামৰিক বাহিনীয়েও কুকিসকলৰ ওপৰত গুলীচালনা কৰে। অৱশ্যে কোনো হতাহতিৰ খবৰ পোৱা নগ’ল। শেহতীয়াকৈ টৰবুঙৰ মামাং লেইকাই অঞ্চল খালী কৰা মেইটেইৰাসকলে গাঁওখনলৈ উভতি আহিছে। সেই গাঁওখনক লক্ষ্য কৰি গুলীচালনা কৰাৰ বাবেই ৰাইজে নিজৰ প্ৰাণৰ ভয়ত পলায়ন কৰে।
