মণিপুৰত বিগত ২৪ ঘণ্টাত ক’ৰ’না ভাইৰাছৰ সংক্ৰমণৰ ফলত পুনৰ পাঁচগৰাকী লোকৰ মৃত্যু হয়।
নতুনকৈ মৃত্যু হোৱা পাঁচগৰাকী লোকৰ সৈতে ৰাজ্যখনত বৰ্তমানলৈ মৃত্যু হোৱা মুঠ লোকৰ সংখ্যা ২০৭ গৰাকীলৈ বৃদ্ধি পায়।
মণিপুৰত ক’ৰ’নাৰ সংক্ৰমণৰ ফলত বিগত ২৪ ঘণ্টাত মৃত্যু হোৱা ব্যক্তিসকলৰ ভিতৰত এগৰাকী মহিলা আৰু চাৰিগৰাকী পুৰুষ।
আনহাতে, ৰাজ্যখনত বিগত ২৪ ঘণ্টাত ২২৮ গৰাকী সাধাৰণ নাগৰিকৰ লগতে ২৬ গৰাকী নিৰাপত্তাৰক্ষী বাহিনীৰ লোকৰ শৰীৰত ক’ৰ’না ভাইৰাছৰ উপস্থিতি ধৰা পৰে।
ৰাজ্যখনৰ ২৬ টা কোভিড পৰীক্ষা কেন্দ্ৰত এইসকল লোকৰ শৰীৰত ক’ৰ’না ভাইৰাছৰ উপস্থিতি নিশ্চিত হয়।
মণিপুৰৰ পশ্চিম ইম্ফল, পূব ইম্ফল, থৌবাল, কাংগপোকপি, বিষ্ণুপুৰ, কাকচিং, চুৰাচান্দপুৰ, জিবিৰাম, উখৰুল, সেনাপতি, তামেঙলং, চাণ্ডেল আৰু কামজঙত নতুনকৈ এইসকল লোক ক’ৰ’না ভাইৰাছৰ দ্বাৰা সংক্ৰমিত হয়।
মণিপুৰত বৃহস্পতিবাৰৰ দিনটোত ১৯১ গৰাকী লোকক ৰাজ্যখনৰ তেৰটা কোভিড কেন্দ্ৰত ক’ৰ’না ভাইৰাছৰ সংক্ৰমণৰ পৰা মুক্ত বুলি ঘোষণা কৰা হয়।
ইয়াৰ ফলত ৰাজ্যখনত আৰোগ্যৰ হাৰ ৮৪.৩৩ শতাংশলৈ বৃদ্ধি পায়।
মণিপুৰত মুঠ ২১২১১ গৰাকী লোক ক’ৰ’না ভাইৰাছৰ দ্বাৰা সংক্ৰমিত হোৱাৰ বিপৰীতে ১৭৮৮৯ গৰাকী লোকে চিকিৎসাৰ অন্তত ক’ৰ’না মুক্ত হৈছে।
বৰ্তমান ৩১১৫ গৰাকী সক্ৰিয় কোভিড ৰোগী মণিপুৰত আছে।
