জৰ্জিয়াৰ পৰা নিৰ্বাচিত আমেৰিকান কংগ্ৰেছ সদস্য মাৰ্জাৰী টেইলৰ গ্ৰীনে জানুৱাৰী মাহত প্ৰতিনিধি পৰিষদৰ পৰা পদত্যাগ কৰাৰ কথা ঘোষণা কৰিছে। ব্ৰিটিছ সংবাদ মাধ্যম বিবিচিয়ে শনিবাৰে (২২ নৱেম্বৰ) এক প্ৰতিবেদনত এই কথা প্ৰকাশ কৰিছে।
প্ৰতিবেদনত কোৱা হৈছে যে ৰাষ্ট্ৰপতি ড’নাল্ড ট্ৰাম্পৰ সৈতে ৰাজহুৱা বিবাদৰ কিছুদিন পিছতে সুপৰিচিত ৰিপাব্লিকানগৰাকীৰ পৰা এই ঘোষণা আহিছে ।
ট্ৰাম্পৰ ‘মেক আমেৰিকা গ্ৰেট এগেইন’ বা ‘মাগা’ আন্দোলনৰ কঠোৰ সমৰ্থক গ্ৰীনে শুকুৰবাৰে ছ’চিয়েল মিডিয়াত ভিডিঅ’ বাৰ্তাযোগে কয় যে তেওঁ ৫ জানুৱাৰীতে কংগ্ৰেছ এৰিব। তেওঁ কয়, ‘’সন্মুখত নতুন কিবা এটাৰ বাবে অপেক্ষা কৰিছো।‘’
গ্ৰীনে বিভিন্ন বিষয়ত ‘ষড়যন্ত্ৰমূলক তত্ত্ব’ৰ প্ৰচাৰ আৰু অন্ধভাৱে ট্ৰাম্পক সমৰ্থন কৰি মূলসুঁতিৰ ৰাজনীতিত ব্যাপক স্বীকৃতি লাভ কৰিছিল যদিও শেহতীয়াকৈ ৰাষ্ট্ৰপতিগৰাকীৰ সৈতে সংঘাতত লিপ্ত হৈছিল।
প্ৰয়াত শিশু যৌন অপৰাধী জেফ্ৰি এপষ্টেইনৰ সৈতে জড়িত নথি-পত্ৰ প্ৰকাশক লৈ দুয়োৰে মাজত বিবাদ পোহৰলৈ আহে।
