আন্ত:ৰাষ্ট্ৰীয় প্ৰেক্ষাপটত পুনৰ উজ্বলিল অসম সন্তান টীয়ক নগৰৰ তিনি নং ৱাৰ্ডৰ নৱজিত কৈৰী।
ইন্টাৰনেছনেল ফেডাৰেছন অফ মুৱাইথাই এচচিয়েছন চমুকৈ IFMA ৰ খান ছেমিনাৰৰ চুড়ান্ত পৰীক্ষাত আন্ত:ৰাষ্ট্ৰীয় পৰ্যায়ত নিজৰ সমৰ কলাৰ পাৰদৰ্শিতাৰে ১৩ নম্বৰ স্থান দখল কৰি ভাৰতৰ লগতে অসমলৈ গৌৰৱ কঢ়িয়াই আনিবলৈ সক্ষম হৈছে যুৱকজনে।
উল্লেখযোগ্য যে নৱজিত কৈৰীয়ে ইতিমধ্যে কেইবাটাও ৰাষ্ট্ৰীয় সন্মান বুটলি বিগত ছয়টা বছৰে টীয়কৰ বাগান খেলপথাৰত একক প্ৰচেষ্টাত সমৰকলাৰ এখন বিদ্যালয় স্থাপনৰ কৰি বহুতো ছাত্ৰ ছাত্ৰীক প্ৰশিক্ষণ প্ৰদান কৰি আহিছে।
নিতৌ নিজৰ কৰ্ম ব্যস্ততাৰ মাজতে কণ কণ প্ৰশিক্ষাৰ্থী সকলক প্ৰশিক্ষণ দি তেওঁলোকক শাৰীৰিক তথা মানসিক ও আত্ম প্ৰতিৰক্ষাৰ কলাৰ প্ৰশিক্ষণেৰে সুস্থ সবল কৰি তুলিবলৈ চেষ্টা অব্যাহত ৰাখিছে।
আজি গৌৰৱাম্বিত টীয়কবাসী, লগতে অনাগত দিনত নৱজিতে যেন আৰু সফলতাৰে নিজৰ লগতে সকলোকে গৌৰৱাম্বিত কৰিব পাৰে তাকে কামনা কৰিছে সকলোৱে।
